Birneshe qylmysqa qatysy bar kúdikti ustaldy
STANA. Qazannyń 20-sy. QazAqparat /Marlan Jıembaı/ - Birqatar qaraqshylyq shabýyl, tonaý jáne qyzdardy zorlaý qylmysyna qatysy bar kúdikti ustaldy. Bul týraly QR ІІM resmı ókili Qýanyshbek Jumanov búgin elordada ótken baspasóz máslıhaty barysynda málim etti.
«Almaty qalasynyń polıtsııa qyzmetkerleriniń keshendi jedel-izdestirý sharalary barysynda Jambyl oblysynyń Shý qalasynda 20 jastaǵy jergilikti turǵyn ustady. Ol aǵymdaǵy jyldyń naýryz-qazan aılary aralyǵynda Almaty qalasynyń birneshe aýdandarynda birqatar shabýyl, tonaý jáne qyzdardy zorlaý kylmystaryn jasaǵany úshin kúdikti bolyp otyr», - dedi resmı ókil.
Onyń aıtýyna qaraǵanda, kúdikti óz qurbanyn tańdap, sońynan birneshe kún ańdyǵan. Úıde jalǵyz qalǵan sátterin paıdalanyp, páterlerine basyp kirgen. Sodan keıin olardyń aqshalaryn, baǵaly zattar men turmystyq tehnıkalaryn ıemdenip, keıbir jaǵdaılarda jábirlenýshilerdi zorlaǵan.
«Qazirgi ýaqytta ustalǵan azamattyń 5 qaraqshylyq shabýylǵa, 12 tonaýǵa jáne 5 zorlaý qylmysyna qatysy bary tekserilýde», - dedi Q.Jumanov.
