Birneshe qazaqstandyq basqa jerde tirkelgeni úshin daýys bere almaǵan
Onyń sózinshe, daýys berý problemasy turǵylyqty jerindegi tirkeýden týyndaǵan.
Azamattar saılaý ýchaskesine qazirgi turyp jatqan mekenjaıy boıynsha kelgen, biraq aldyn ala bekitilmegen.
«Olar tizimde bar-joǵyn aldyn ala anyqtaý úshin esh shara jasamaǵan. Árıne, bir jaǵynan adamdar buqaralyq aqparat quraldarynda aıtylǵan mindettemeler men usynystardy oryndamady deýge bolady, biraq ekinshi jaǵynan, suraq týyndaıdy – bul tek azamattyń jaýapkershiligi me, álde memleket jaýapkershiligi me? Sondyqtan bul máselelerdi kelesi joly eskerý qajet, óıtkeni konstıtýtsııalyq túzetýler boıynsha respýblıkalyq deńgeıdegi referendým alǵash ret ótkizilip otyr. Jáne mundaı referendým biz úshin qalypty jaǵdaıǵa aınalýy kerek, búgingi referendýmnan keıin azamattyq belsendiliktiń arta túsetinin túsinýge tıispiz, sondyqtan da naqty tetikterdi ázirleýimiz kerek. Memleket osyndaı referendým men saılaý uıymdastyrýǵa bıýdjet qarajatyn bóledi, sondyqtan atqarylatyn jumys ta tıimdi bolýy qajet», - dedi Elvıra Ázimova Nur-Sultanda ótken baspasóz máslıhatynda.
Sonymen birge, Qazaqstannyń Azamattyq alıansynyń basshysy Baný Nurǵazıeva árbir oqıǵany jeke-dara qaraý kerek degen pikir bildirdi.
«Bolashaqta buǵan jol berýge bolmaıdy, óıtkeni barlyq azamattardyń saılaý quqyǵy iske asyrylýy kerek», - dedi B. Nurǵazıeva.
Aıta keteıik, saǵat 16.00 deıin 7,1 mln qazaqstandyq referendýmda tańdaýyn jasady.
Zańǵa sáıkes, eger referendýmǵa qatysýǵa quqyǵy bar azamattardyń jartysynan kóbi daýys berýge qatysqan bolsa referendým ótkizilgen dep sanalady.
