Birneshe halyqaralyq áýe kompanııasy Qazaqstanǵa ushatyn Boeing-taryn almastyrdy
ASTANA. QazAqparat - LOT Polish, FlyDubai Qazaqstanǵa ushatyn Boeing-taryn almastyrdy. Bul jaıynda Azamattyq avıatsııa komıtetinen málim etti, dep habarlaıdy QazAqparat tilshisi.
LOT Polish áýe kompanııasy Qazaqstanǵa ushatyn Boeing 737 MAX áýe kemesiniń ornyn Boeing 737-800 NG (Next Generation) ushaǵymen almastyrdy. Sondaı-aq, FlyDubai avıakompanııasy 737 MAX áýe kemesimen ushýdy toqtatty. FlyDubai elimizge Boeing 737-NG (Next Generation) ushaq túrimen ushýǵa ruqsaty bar ekenin atap ótý kerek. Osyǵan oraı, biz jolaýshylarǵa áýe kompanııalarynyń ókilderimen ushý / kelý ýaqyty týraly aldyn-ala bilip otyrýy kerek. Sebebi, ushý kestelerinde ózgerister oryn alýy múmkin», - dep jazdy komıtet Feısbýktegi paraqshasynda.
Eske sala keteıik, Efıopııada Ethiopian Airlines áýe kompanııasynyń Naırobıge bara jatqan ushaǵy apatqa ushyraǵandyǵy týraly buǵan deıin habarlaǵan bolatynbyz. Sondaı-aq, ushaqta BUU 19 qyzmetkeri bolǵan.
Qaıǵyly jaǵdaıǵa baılanysty Qazaqstan Prezıdenti Nursultan Nazarbaev Efıopııa Federatıvtik Demokratııalyq Respýblıkasynyń Prezıdenti Sahle-Vork Zeýdege kóńil aıtý jedelhatyn joldady.
Qazirgi ýaqytta Eýropalyq Odaq aýmaǵynda Boeing 737 MAH ushaǵyn paıdalanýǵa da tyıym saldy.
Qazaqstanda «SKAT» áýe kompanııasynyń Boeing 737 MAX ushaǵyn paıdalýdy ýaqytsha toqtatty.
