Birneshe aıda «Teńizshevroıldy» keńeıtý týraly sheshim shyǵady - Q.Bozymbaev

ASTANA. QazAqparat - Aldaǵy birneshe aı ishinde «Teńizshevroıl» munaı-gaz óndiretin birlesken kásiporyndy keńeıtý úshin qarjy bólý týraly sheshim shyǵady. Bul týraly búgin Qazaqstan Respýblıkasynyń Energetıka mınıstri Qanat Bozymbaev málim etti.

«2015 jyly «Teńizshevroıl» munaı óndirý kólemi boıynsha rekord ornatyp, 27 158 myń tonna qara altyn shyǵardy. Bul óz kezeginde el boıynsha óndirilgen munaıdyń kólemin arttyrdy. Aldaǵy birneshe aıda kásiporyndy keńeıtý úshin qarjy bólý jóninde sheshim qabyldanady», - dedi Q.Bozymbaev.

Mınıstr málim etkendeı, «Teńizshevroıl»-dyń jańa nysandary boljam boıynsha 2022 jyly paıdalanýǵa beriledi.

«Sol arqyly óndiriletin munaı kólemin 39 mln. tonnaǵa jetkizip, nysandardyń qurylysy kezinde 24 myń jumys ornyn qurýǵa múmkindik týady. Joǵary bilikti mamandardyń orny bosap jatqandyqtan, qazir bul másele Mańǵystaý jáne Atyraý oblystarynda ózekti bolyp tur», - dedi Q.Bozymbaev.