Bırmıngemde belgisiz bireýler birneshe adamdy pyshaqtap ketti
LONDON. QazAqparat – Jeksenbige qaraǵan túnde brıtandyq Bırmıngem qalasy ortalyǵyndaǵy pyshaqtasý saldarynan bir adam qaza taýyp, jeteýi jaraqat aldy. Bul týraly Ýest-Mıdlens graftyǵynyń ákimshilik ortalyǵy polıtsııasynyń saıty habarlady.
«Biz túnde Bırmıngem ortalyǵynda bolǵan oqıǵalardan keıin oryn alǵan adam óltirý boıynsha tergeý bastaǵanymyzdy rastaımyz. Ókinishke qaraı, bir er adam qaza tapqan. Taǵy jeteýi jaraqattandy, olardyń ishinde bir er adam men áıeldiń jaǵdaıy aýyr», - dep atap ótti polıtsııadan.
Qalada túngi saǵat 00:30-da bolǵan shabýylǵa ne sebep bolǵany áli naqtylanbaı otyr.
