Bırmıngem-2018: Estafetadan qyzdarymyz bıylǵy maýsymdaǵy úzdik nátıjeni tirkedi
ASTANA. QazAqparat - Ulybrıtanııanyń Bırmıngem qalasynda ótken jabyq keshendegi álem chempıonatynda qyzdarymyz 4h400 metrlik estafetada bıylǵy maýsymdaǵy úzdik nátıjelerin tirkedi, dep habarlaıdy QazAqparat.
QR Jeńil atletıka federatsııasynyń resmı saıty taratqan málimetke súıensek, 4h400 metrlik estafetaǵa áıelderden jalpy sany9 komanda qatysqan. Olar eki topqa bólinip júgirdi. Qazaqstan qyzdarynyń qarsylastarynyń arasynda AQSh, Ulybrıtanııa, Italııa boldy.
Jerlesterimiz alǵashynda sátti bastaǵan. Svetlana Golendova men Elına Mıhına joǵary deńgeıde júgirip ótti. Al úshinshi-tórtinshi kezeńde Adelına Ahmetova men Lıýbov Ýshakova aıtarlyqtaı qalyp qoıyp, qarsylastarǵa 8 sekýndqa utyldy. Degenmen bul tórttik soǵan qaramastan osy maýsymdaǵy eń úzdik nátıjeni tirkedi - 3.41.67 mınýt.
Bırmıngem. Jabyq keshendegi álem chempıonaty. 4h400 metrlik estafeta (áıelder). Іrikteý kezeńi.
1-top:
1. AQSh - 3.30,54 mın.
2. Ulybrıtanııa - 3.32,57 mın.
3. Italııa - 3.32,62 mın.
... 4 (9 - sum.). Qazaqstan - 3.40,54 mın.
