Bırmada sý tasqynynan 70 myń adam zardap shekti
ASTANA. QazAqparat - Bırmanyń soltústik-batysyndaǵy mýssondyq jaýyndardyń úzdiksiz jaýýynan týyndaǵan sý tasqynynyń kesirinen shamamen 70 myń adam zardap shekti, 9 adam ajal qushty, dep habarlaıdy Bı-bı-sı BUU-yna silteme jasap.
BUU-nyń gýmanıtarlyq máselelerdi úılestirý jónindegi basqarmasynyń baıandamasynda tasqyn saldarynan 12 myń úıge zaqym kelgeni aıtylǵan.
BAQ málimetterinshe, Sıkaın okrýginde bir táýlik ishinde 19,9 sm jaýyn-shashyn túsken, bul sońǵy 24 jyl ishindegi eń joǵarǵy deńgeı. Mýsson jańbyrlary Brımada ádette mamyr aıynyń sońynda bastalyp, qazan aıynyń ortasynda aıaqtalady.
