Birliktiń nyǵaıýyna bar kúsh-jigerdi jumsaý qajet- respýblıkalyq basylymdarǵa sholý
***
Qazaqstan Respýblıkasynyń Prezıdenti Nursultan Nazarbaev barsha qazaqstandyqtardy Pasha merekesimen quttyqtady. Memleket basshysynyń quttyqtaýy «Egemen Qazaqstan» gazetiniń senbilik nómirinde jaryq kórdi. Onda: «Qurmetti qazaqstandyqtar, sizderdi Pasha jarqyn merekesimen quttyqtaımyn! Búgin ony barsha qazaqstandyqtar atap ótýde. Qazaqstan - kópetnosty jáne kópkonfessııaly el. Bizdiń basty baılyǵymyz - halyqtar men dinder arasyndaǵy beıbitshilik pen kelisim. Bizde Naýryz, Qurban aıt, Rojdestvo, Oraza aıt, Pashany birge qarsy alý burynnan jaqsy dástúrge aınalǵan. Qazaqstan jerinde barlyq etnostardyń mádenıeti gúldenýde jáne bir-birin baıyta túsip otyr», - delingen.
«Egemen Qazaqstan» gazetiniń jazýynsha, Batys Qazaqstan oblysyna mınıstrlikter men vedomstvolardyń úlken jumys tobyn bastap kelgen Premer-mınıstrdiń birinshi orynbasary Ó.Shókeev aldymen tasqyn sý astynda qalǵan Zelenov, Tasqala, Aqjaıyq, Kaztalov jáne Oral qalasy tóńiregin barlaı qarap, qazirgi qalyptasqan kúrdeli jaǵdaımen tanysty. Osydan keıin kóshpeli májilis ústinde Ó.Shókeev batysqazaqstandyqtarǵa qoldaý kórsetý úshin Úkimettiń úsh birdeı qaýlysy shyqqanyn jarııa etti. Atap aıtqanda, alǵashqy qaýlyǵa sáıkes, tasqyn sýmen kúreste birinshi kezekte atqarylatyn is-sharalar úshin 870 mıllıon teńge bólindi. Al ekinshi qaýly respýblıkanyń ár oblysynan 100 mıllıon teńge kóleminde qarajat bólinýin qarastyrady. Úshinshi qaýly materıaldyq rezervter esebinen zardap shegýshilerge kıim-keshekter men azyq-túlik túrinde gýmanıtarlyq kómekter berýge jol ashady. Maqala «Qalpyna keltirý jumystary keshiktirilmeýi tıis» degen taqyryppen berilgen.
***
Almatydaǵy «Dostyq» úıinde Memlekettik hatshy Qanat Saýdabaevtyń tóraǵalyq etýimen «Qazaqstan Respýblıkasy Táýelsizdiginiń 20 jyldyǵy» saltanatyn atap ótý boıynsha qurylǵan Memlekettik komıssııanyń ІІ májilisi bolyp ótti. Osyǵan oraı «Aıqyn» gazetinde «Birliktiń nyǵaıýyna bar kúsh-jigerdi jumsaý qajet» degen taqyryppen kólemdi maqala jarııalandy. Basylymnyń atap ótýinshe, alqaly jıynǵa Prezıdent Ákimshiliginiń ókilderi, Úkimet músheleri, Parlament depýtattary, mınıstrlikter men vedomstvolardyń, Almaty qalasynyń basshylary jáne sondaı-aq birqatar qoǵamdyq uıymdardyń ókilderi qatysty.
«Ulttyq qaýipsizdik jáne Almaty qalalyq Іshki ister departamentteriniń qyzmetkerleri birlesip, 14 jasar mektep oqýshysyn urlap áketip, onyń ákesinen 80 myń dollar bopsalaǵan úsh qylmyskerdi ustady», - dep jazady «Aıqyn» gazeti «Urlap áketip... Ustaldy!» degen maqalasynda. Almatydaǵy bıznesmenniń qyzy, jetinshi synypta oqıtyn ıÝlıany beısenbi kúni sabaqtan shyqqan kezinde mekteptiń qasynda úsh jigit kútip turǵan. Olar qyzdy aldap kólikke mingizip, urlap áketken. Kishkentaı qyz bulardyń sózine sengen. Óıtkeni mektepke kelgen jigitterdiń biri ıÝlıanyń aǵasynyń tanysy bolǵan. Oqıǵanyń qalaı órbigenin bilgińiz kelse, basylymnyń búgingi nómirin jiberip almańyz.
***
«Astana aqshamy» gazetiniń jazýynsha, «Jolaýshylar tasymaly» aktsıonerlik qoǵamy halyqqa qyzmet kórsetý sapasyn arttyrýǵa baǵyttalǵan jolaýshylar tasymaly salasyna ınnovatsııalyq jobalardy engizý maqsatynda temirjol bıletterin tólem termınaldary arqyly satýdy júzege asyrýǵa kiristi. Joba memlekettik-jekemenshik seriktestik negizinde júzege asyrylýda. Onyń aıasynda ınvestor QR aýmaǵy boıynsha termınaldar júıesin ornatý jaýapkershiligin moınyna alady. Termınaldar arqyly bılet satý 2011 jyldyń 3 toqsanynda júzege asady dep josparlanyp otyr.
***
«Qazaqstan Respýblıkasynyń Vena qalasyndaǵy halyqaralyq uıymdar janyndaǵy jańadan taǵaıyndalǵan Turaqty ókili Qaırat Ábdirahmanov birqatar halyqaralyq qurylymdar basshylaryna senim gramotalaryn tapsyrdy», - dep jazady «Kazahstanskaıa pravda» gazeti. Basylymnyń atap ótýinshe, Q.Ábdirahmanov senim gramotasyn tapsyrǵan Halyqaralyq atom energııasy agenttiginiń (MAGATE) Bas dırektory ıÝkııa Amano Qazaqstannyń ǵalamdyq ıadrolyq taratpaý jáne qarýsyzdaný úderisindegi orasan rolin joǵary baǵalady. Qazaqstanmen aradaǵy yntymaqtastyq MAGATE úshin erekshe mańyzǵa ıe jáne qazirgi kezde ózara is-qımyldy keńeıtýge jaqsy múmkindikter bar.
