Birlikti tý etken ulttar ǵana el damýynyń aýqymdy jobalaryn iske asyra alady - «KAZENERGY» qaýymdastyǵy
ASTANA. QazAqparat - Eldiń munaı-gaz jáne energetıkalyq salasynyń barsha qyzmetkerleriniń atynan «KAZENERGY» qaýymdastyǵy Nursultan Nazarbaevty Prezıdent laýazymyna kirisýimen quttyqtady.
«Ult kóshbasshysy bastamashylyq etken bes ınstıtýtsıonalyq reformalardy iske asyrý - el damýynyń tarıhı kezeńinde mańyzdy da der kezinde qolǵa alynǵan úrdis.
Bes ınstıtýtsıonaldyq reforma Qazaqstannyń memlekettiligi men ekonomıkasyn nyǵaıtýdyń pármendi aspaptary bolyp tabylady», - delingen quttyqtaý mátinde.
Qazaqstandyqtar alǵa qoıylǵan maqsattarǵa qoǵamdaǵy birlik pen turaqtylyqty saqtaı, azamattyq qaǵıdatynda qazaqstandyq birizdilikti qalyptastyra otyryp qol jetkize alady. Birlikti tý etken el ǵana eldiń gúldenýine jol ashatyn aýqymdy damý jobalaryn iske asyra alady.
Bes halyqtyq reformada syndarly strategııalyq maqsat, halyq pen memlekettiń birlesken kúshiniń senimiligi bar.
Osyndaı jan-jaqty oılastyrylǵan baǵdarlama arqyly Qazaqstan qazirgi áleýetti qaýipterdi eńserip, turaqty, ornyqty damý jolyna túse alady, degen senimin bildirdi «KAZENERGY» ókildiginde.
