Birlikke negizdelgen halqymyz úılesimdigin baǵalaı bilýimiz kerek - Vıktorııa Tregýbova

NUR-SULTAN. QazAqparat – Birlikke negizdelgen halqymyzdyń úılesimdigin baǵalaı bilýimiz kerek. QR Prezıdenti Qasym-Jomart Toqaevtyń «Táýelsizdik bárinen qymbat» atty maqalasyna qatysty Qazaqstan halqy Assambleıasy jastar qanatynyń múshesi, Qoldanbaly etnosaıası zertteýler ınstıtýtynyń baspasóz hatshysy Vıktorııa Tregýbova osyndaı pikir bildirdi, dep habarlaıdy QazAqparat.

«Biz ádiletti qoǵam men tıimdi memleket qurýdy kózdep otyrmyz. Kez kelgen iste ádildik qaǵıdatyn basshylyqqa alsaq, buǵan anyq qol jetkizemiz. Mysaly, turǵyndardyń turmysyn jaqsarta túspesek, elimizdiń jetistikteri men halyqaralyq tabystaryn maqtan etý artyq. Azamattarymyz ekonomıkalyq ósimniń ıgiligin sezine almasa, odan esh qaıyr joq. Men árbir sheshimdi qabyldar sátte osy ustanymdy basshylyqqa alamyn. Biz halyqtyń áleýmettik jaǵdaıyn jaqsartýmen qatar, barlyq azamattardyń múddesin birdeı qorǵaımyz. Meniń uǵymymdaǵy ádiletti memleket degenimiz – osy», - dep jazdy Prezıdent Qasym-Jomart Toqaev óziniń «Táýelsizdik bárinen qymbat» atty maqalasynda.

Bul bizdiń ortaq bolashaǵymyzdyń odan arǵy josparlary. Qazaq jerinde ár ýaqytta kóptegen etnostar ómir súrgen. Qazaqtyń jerin Otanym dep kóretin, qazaqtyń salt-dástúrlerin, ádet-ǵurpyn qurmettep qana qoımaı, memlekettik tildi jetik meńgergen jandar. Naýryzdy toılap, ulttyq taǵamdar ázirlep, qazaqtardan da kem emes, halyqtyń tarıhy men mádenıetin biletin, ondaǵan ózge ulttardyń otbasylaryn mysalǵa keltire alamyn.

Osy otyz jyl ishinde biz kez kelgen dáýirdegi qıyndyqtardan qutqarǵan birliktiń arqasynda ómir súrdik. Biz osyndaı birlikke negizdelgen halqymyzdyń úılesimdigin baǵalaı bilýimiz kerek. Bul keremet bolashaqqa aparatyn jalǵyz senimdi jol. Kógildir pasportty alǵan kezde biz óz tańdaýymyzdy jasadyq.

Biz barlyǵymyz Qazaqstannyń azamattarymyz, bárimiz birdeı memleketimizdiń órkendeýin qalaımyz, tileımiz. Meniń túrli etnostardan dostarym óte kóp, olar qazaq tilin jetik biledi, onyń áýenin jaqsy kóredi, qazaq klassıkterin túpnusqada oqıdy. Ómir boıy Táýelsizdik jaǵdaıynda ómir súrgender biz qýatty jáne gúldengen Qazaqstannan basqa shyndyqty bilmeımiz jáne bilgimiz de kelmeıdi!