«Birlik» partııasy eki óńirde máslıhattar saılaýyna qatysa almaıdy - OSK
«Saıası partııalardy máslıhattar depýtattaryn saılaýǵa qatysýǵa jiberýge qatysty aıtar bolsaq, «Aq jol», «Aýyl», «Nur Otan», Qazaqstannyń kommýnıstik halyq partııasy jáne Jalpyulttyq sotsıal-demokratııalyq partııasy qoǵamdyq birlestikteriniń fılıaldary 14 oblysta, sonymen qatar Nur-Sultan, Almaty jáne Shymkent qalalarynda tirkelip, jumys isteýde. «QR-daǵy Saılaý týraly» konstıtýtsııalyq zańnyń 103-baby 2-tarmaǵyna sáıkes, máslıhattar depýtattyǵyna kandıdattar usyný quqyǵy belgilengen tártippen tirkelgen partııanyń fılıaldaryna berilgen. Degenmen, «Birlik» saıası partııasynyń tıisti fılıaldary bolmaǵandyqtan, Shymkent qalasy men Túrkistan oblysy máslıhattary depýtattaryn saılaýǵa qatysa almaıdy», - dedi Asylbek Smaǵulov OSK otyrysynda.
Sonymen, Ortalyq saılaý komıssııasy qabyldaǵan partııalyq tizimder boıynsha saılanatyn máslıhattar depýtattaryn saılaýǵa qatysýǵa jiberý týraly qaýlyǵa sáıkes:
- «Aq jol» Qazaqstannyń demokratııalyq partııasy» qoǵamdyq birlestigi,
- «Aýyl» halyqtyq-demokratııalyq patrıottyq partııasy» qoǵamdyq birlestigi,
- «Birlik» saıası partııasy» qoǵamdyq birlestigi,
- «Jalpyulttyq sotsıal-demokratııalyq partııasy» respýblıkalyq qoǵamdyq birlestigi,
- «Qazaqstannyń kommýnıstik halyq partııasy» qoǵamdyq birlestigi,
- «Nur Otan» partııasy» qoǵamdyq birlestigi saılaýǵa qatysady.
Al «Birlik» saıası partııasy» qoǵamdyq birlestigi Shymkent qalasy men Túrkistan oblysy máslıhattary depýtattaryn saılaýǵa qatysa almaıdy.
Alaıda, QR OSK Tóraǵasy Berik Imashevtiń atap ótýinshe, «Birlik» partııasynyń atalǵan óńirlerde fılıaldaryn ashyp, saılaýǵa túsýge múmkindigi bar.
«Máslıhattar depýtattyǵyna kandıdattardyń partııalyq tizimderin usyný kezeńi 2020 jylǵy 10 qarashadan bastap, 4 jeltoqsanda aıaqtalady. Osyǵan oraı «Birlik» saıası partııasynyń nazaryn osy kezeńde Shymkent qalasy men Túrkistan oblysynda fılal ashyp, ony tirkeýden ótkize alsa, onda atalǵan óńirlerde máslıhattar depýtattaryn saılaýǵa qatysýǵa múmkindikteri bar ekendigine aýdartqym keledi», - dedi Berik Imashev.
