Birlik kúni - qazaqstandyq patrıotızmniń, óz eline degen súıispenshiliktiń merekesi - QHA keńesi
«Qazaqstan halqy Assambleıasy sizderdi Qazaqstan halqynyń birligi kúni merekesimen shyn júrekten quttyqtaıdy! Dostyq pen ózara túsinistiktiń nyshanyna aınalǵan bul mereke Qazaqstan qoǵamyndaǵy biriktirýshi faktorlardyń birine aınaldy. Ol - árkimge de qymbat jáne mıllıondaǵan azamattardyń júregine jyly sezim uıalatatyn mereke. Qazaqstan - mádenıetteriniń, tilderi men dástúrleriniń áralýandyǵy basty baılyǵyna aınalǵan, al azamattary jasampazdyq pen damý ıdeıasy aınalasynda birikken el. Bıylǵy jyly Qazaqstan Prezıdenti N.Á.Nazarbaevtyń bastamasymen el damýynyń jańa paraǵyn ashatyn jan-jaqty jańǵyrý boıynsha aýqymdy mindetterdi iske asyrý bastaldy. Olardyń sátti iske asyrylýy qýatty da básekege qabiletti memleket qurýdyń basty sharty - qazaqstandyqtardyń birligi men jumylǵandyǵyn saqtaýǵa tikeleı baılanysty»,-delingen quttyqtaýda.
Sondaı-aq onda halyq birligi kúni shyn máninde de qazaqstandyq patrıotızmniń, óz eline degen súıispenshilik pen adal berilgendiktiń merekesine aınalǵandyǵy aıtylady.
«Osy jarqyn mereke kúni Qazaqstan halqy Assambleıasy barsha qazaqstandyqtarǵa myqty densaýlyq, baqyt pen bereke tileıdi! Ol sizderdiń úılerińizge kóptegen qýanysh pen shattyq, al Otanymyzǵa tatýlyq pen órkendeý ákelsin!»,-deıdi Qazaqstan halqy Assambleıasynyń Keńesiniń ókilderi.
