Birligi bekem elde indettiń de uzaq turaqtamaıtynyna senimdimin - Qasymhan Begman
TÚRKІSTAN. QazAqparat – Birligi bekem elde indettiń de uzaq turaqtamaıtyndyǵyna senim bildiremin. Mundaı pikirin Qazaqstannyń eńbek sińirgen qaıratkeri, aqyn Qasymhan Begman bildirdi, dep habarlaıdy QazAqparat.
«Álemdi ábigerge túsirgen aýyr indettiń betin qaıtarý úshin árkim óz deńgeıinde úlesin qosýda. Biri jurtty sabyrǵa shaqyryp, biri qarjylaı kómegin kórsetip, biri halyqtyń materıaldyq qajettiligin óteýge kúsh salýda. Qazaqstannyń Tuńǵysh Prezıdenti-Elbasy Nursultan Ábishuly óz janashyrlyǵyn tanytyp, jalpaq jurtqa úndeý tastady. Kásipkerler men eldiń árbir azamaty shama-sharqynsha qarjylaı kómek kórsetý kerektigin aıtty. Arnaıy qor quryp, onda jınalǵan qarajat osy indettiń aldyn-alýǵa baǵyttalýy tıis ekendigin basa aıtty», - deıdi ol.
Qasymhan Begmannyń aıtýynsha, bul úndeýge Túrkistannyń barlyq kásipkerleri qoldaý bildirip, qurylǵan qorǵa qomaqty qarjy aýdara bastady.
«Tipti, qoǵamnyń ár salasynda qyzmet etip jatqan qarapaıym qyzmetkerlerdiń ózi birkúndik jalaqylaryn aýdaryp, márttik tanytýda. Mine, bul indetten qutylýdyń eń tóte joly. Bul – bizdiń babadan kele jatqan, qanymyzda bar qasıetimiz. Osyndaı birligi bekem elde indettiń de uzaq ýaqyt turaqtamaıtyndyǵyna senim bildireıik. Ár otandasymyzdy ózimizdeı kórip, janashyrlyq tanytýǵa atsalysaıyq, aǵaıyn!», - dedi qoǵam qaıratkeri.
