Birlesken jumys komıssııasynyń músheleri «Ózenmunaıgaz» ÓF jumysshylarynyń ókilderimen kezdesti

dep habarlady qala ákiminiń baspasóz qyzmetinen.

Jańaózen ákimdiginde ótken kezdesýge qala ákimi Oraq Sarbópeev, qalalyq jáne oblystyq máslıhattardyń depýtattary, ardagerler keńesiniń músheleri, «QazMunaıGaz» Barlaý Óndirý» kompanııasynyń «Ózenmunaıgaz» qurylymdyq bólimi kásipodaq uıymynyń jetekshileri, quqyq qorǵaý organdarynyń ókilderi qatysty.

Esterińizge sala keteıik, oblys ákiminiń birinshi orynbasary Amankeldi Aıtqulov jetekshilik etetin bul jumys komıssııasy aǵymdaǵy jyly 14 shildede Mańǵystaý oblysy ákimdigi men «QazMunaıGaz» ulttyq kompanııasynyń birlesken sheshimimen qurylǵan bolatyn.

Kezdesý barysynda Amankeldi Aıtqulov qalyptasqan ahýaldy retteý jónindegi oblys ákimdigi men kompanııa basshylyǵy qabyldap jatqan sharalar týraly habardar etti. Atap kórsetilgendeı, komıssııa jumysynyń aıasynda narazylyq bildirýshilerge aktsııalaryn toqtatyp, óz jumys oryndaryna shyǵýǵa, al jumystan bosatylǵandarǵa - jumys oryndaryna qaıta alý týraly ótinishterin jumys komıssııasynyń qaraýyna berýge múmkindik berý úshin jumysshylardy bosatýǵa ýaqytsha moratorıı engizildi.

Narazylyq bildirýshi jumysshylardyń ókilderi óz kezekterinde, munaıshylardy jumystan bosatý týraly jumys berýshiniń aktileriniń kúshin toqtatý jáne Aqjanat Amınov men Natalıa Sokolovany qamaýdan bosatý týraly talaptarynyń oryndalýy týraly tilek bildirdi. Odan keıin dıalogtan bas tartqan olar, májilis zalyn tastap shyqty.

Máslıhat depýtattary, ardagerler keńesiniń músheleri jáne kásipodaq tóraǵalary qalyptasyp otyrǵan ahýalǵa óz pikirlerin bildirdi.

- Tyǵyryqtan shyǵý úshin mámilege kelýimiz kerek. Túsindirý jumystary jalǵasady. Jarııalanyp otyrǵan moratorııdiń sheksiz emes ekendigin narazylyq aktsııasyna qatysýshylardyń nazaryna jetkizýimiz kerek, deıdi jumys komıssııasynyń jetekshisi Amankeldi Aıtqulov.