Birkólik shatqalynda adasyp ketken 3 týrıst tikushaqpen qutqaryldy
TÚRKІSTAN. QazAqparat - Qutqarýshylar Túrkistan oblysy Birkólik taýynda adasyp ketken úsh týrısti evakýatsııalady, dep habarlaıdy QazAqparat oblystyq TJD baspasóz qyzmetine silteme jasap.
6 maýsym kúni saǵat 15:40 shamasynda Túrkistan oblysy Tólebı aýdanynyń «101» qyzmetiniń basqarý pýltine azamat J.Tájimuratovtan habar kelip túsken.
Ol saǵat 12-00 kezinde 3 adamnyń taýda adasyp ketkenin jetkizdi.
Demalýshylardyń quramynda 3 adam bar, olar - 1994, 1994 jáne 1993 jyly týǵan Saryaǵash aýdanynyń turǵyndary.
Týrıster Birkólik shatqaly baǵytyndaǵy taýlarǵa sarqyramaǵa deıin baryp, adasyp ketken.
Qaıtyp kele jatqanda olardyń bireýi aýyryp qalady, sóıtip olar óz betinshe taýdan túse almaıtynyn túsingen.
16: 33-te zardap shekkenderdi qutqarý úshin jedel shtabtan tótenshe jaǵdaılar mınıstrliginiń «Qazavıaspas» AQ Mi-8AMT UP-MI871 ushaǵy attandy.
Túrkistan oblysy tótenshe jaǵdaılardy departament bastyǵynyń orynbasary, podpolkovnık E. Sarybaev, jedel qutqarý jasaǵynan 6 qutqarýshy jiberilgen.
17:25 kezinde tikushaqtaǵy izdeý jumystary kezinde úsh adam tabylyp, qutqaryldy.
Keshki saǵat 17: 55-te qutqarylǵan adamdar Shymkent qalasynyń áýejaıyna jetkizildi.
