Birqatar JOO-lardyń professorlyq quramy men stýdentteri jalpyulttyq referendýmdy qoldaıtyndyqtaryn bildirdi
ALMATY. 14 qańtar. QazAqparat /Názıra Eleýhan/ - Fılosofııa jáne saıasattaný ınstıtýty men "Qaınar" ýnıversıtetiniń professorlyq quramy men stýdentteri Elbasy Nursultan Nazarbaevtyń ókilettigin uzartý jónindegi jalpyulttyq referendýmdy qoldaıdy.
Bul týraly búgin Almatyda ótken arnaıy konferentsııada aıtyldy.
Fılosofııa jáne saıasattaný ınstıtýtynyń dırektory, akademık, fılosofııa ǵylymynyń doktory, professor Ábdimálik Nysanbaevtyń aıtýynsha, qazirgi ýaqytta N. Nazarbaevtaı eldi basqara alatyn adam joq, sondyqtan referendýmdy ótkizýimiz qajet jáne ony ótkizý elimiz úshin tıimdi. "Sondyqtan halyqty referendýmdy qoldaýǵa shaqyramyn. Men elimizdiń jaǵdaıyn, Elbasyn jáne onyń jumysyn 1991 jyldan beri zerttep kelemin. Sondyqtan meniń pikirim ǵylymı jaǵynan negizdelgen", - dedi akademık.
Onyń paıymdaýynsha, Memleket basshysynyń baǵdarlamasy aqyryn bolsa da nyq qadammen alǵa basyp, iske asyrylyp keledi.
"Bizdiń aldymyzdaǵy 10 jyl - Qazaqstan úshin, qazaq halqy úshin taǵdyrly jyl. Birinshi 10 jyldyqty jaqsy óttik. Qıynshylyq qansha bolsa da biz jeńip, eldigimizdi saqtap, táýelsizdigimizdi saqtap, naryqtyq ekonomıkaly bolyp, saıası júıemiz ózgerip, álemdik demokratııalyq úlgige evolıýtsııalyq jolmen birte-birte jaqyndap kele jatyrmyz. Birinshi onjyldyqta táýelsiz demokratııalyq el qurdyq. Memleketti qurýdaǵy halqymyz bolyp aralasqan iste Elbasynyń úlesi úlken. Ótken onjyldyqta sheshimin tapqan másele osy dep oılaımyn",- dedi jıyn barysynda Ábdimálik Nysanbaev.
