Birqatar janarmaı stansalary benzın baǵasyn negizsiz qymbattatyp jibergen

NUR-SULTAN. QazAqparat - QR básekelestikti qorǵaý jáne damytý agenttigi naryqtaǵy benzın baǵasyna taldaý júrgizdi, dep habarlaıdy QazAqparat.

Jyl basynan beri Qazaqstan boıynsha AI-92 benzıni baǵasynyń orta eseppen 12-13% ósýine jáne ishki naryqty munaı ónimderiniń osy túrimen qamtamasyz etýde qalyptasqan ahýalǵa baılanysty agenttiktiń aýmaqtyq bólimsheleri yqtımal alypsatarlyqty jáne AI-92 benzıni baǵasynyń negizsiz ósýin boldyrmaý maqsatynda naryqqa taldaý júrgizdi.

Júrgizilgen jumys nátıjesi boıynsha benzındi bólshek saýdada ótkizýshilerdiń áreketinde baǵalyq sóz baılasý belgileri anyqtaldy.

30 sáýirde monopolııaǵa qarsy organ benzındi bólshek saýdada ótkizýshilerdiń atyna AI-92 benzınine baǵa belgileý jáne ustap turý bóliginde básekelestikke qarsy kelisilgen áreketter belgileri boıynsha 14 habarlama engizdi.

Onyń ishinde úsheýi - respýblıkalyq AJQS PetroRetail, Gelıos, Sinooil.

Aqmola oblysy: «PetroRetail» JShS (fılıal), «Gelıos» JShS (fılıal), «NPO «ıÝNA» JShS, «Inkom Plıýs» JShS, «Esıl» JShS.

ShQO: «Vostok logıstık» JShS, «Sinooil» JShS (fılıal), «PetroRetail» JShS fılıal).

SQO: «Etalon Regıon» JShS, «Severnaıa Toplıvnaıa Kompanııa» JShS, «PetroRetail» JShS (fılıal), «Gelıos» JShS (fılıal).

Qostanaı oblysy: «PetroRetail» JShS (fılıal), «Gelıos» JShS (fılıal), «Kostanaınefteprodýkt» JShS, «Mýnaı Treıd kst» JShS, «Kst trade» JShS, «Rýdnenskaıa Toplıvnaıa kompanııa» JShS, «Kostanaı Avtogaz-7» JShS.

Qoldanystaǵy zańnamaǵa sáıkes habarlamany oryndaý merzimi - ony alǵan kúnnen bastap kúntizbelik 30 kún.

Habarlamany oryndamaý monopolııaǵa qarsy tergep-tekserý júrgizý úshin negiz bolyp tabylady.

Belgilengen baǵany Qazaqstan Respýblıkasynyń básekelestikti qorǵaý salasyndaǵy zańnamasyna sáıkestigi turǵysynan baǵalaý kezinde jáne olardyń negizdiligi naryq sýbektisiniń naqty shekken shyǵynyn eskere otyryp, onyń ishinde kóterme saýdada jetkizýshilerinen satyp alý baǵasyn eskere otyryp qaralady.