Birqatar sút ónimderinen ishek taıaqshalary tabyldy
«Alekseevskıı molochnokonservnyı kombınaty» JAQ (RF, Belgorod oblysy, Alekseevka qalasy) óndirgen qant qosylǵan «Alekseevskoe» qoıýlatylǵan sút óniminde jáne «Sadovoe» sút kásipornynyń (Aqmola oblysy, Sadovoe aýyly) «Barskıe prodýkty» sútinde ishek taıaqshasy tobynyń bakterııalary anyqtaldy, al Karagach sút zaýyty (RF, Kabardın-Balkar Respýblıkasy Karagach aýyly) óndirgen «Domık na Hýtore» qaımaǵy ónimniń tańbalanýynda kórsetilgen jazylǵan maılylyǵyna sáıkes kelmedi, bul tutynýshylardy aldaý bolyp tabylady.
Tehnıkalyq reglamentter talaptary buzylýynyń anyqtalý faktileri boıynsha Komıtet saýda sýbektilerine qatysty is-sharalar, onyń ishinde qaýipti ónimdi alyp qoıý boıynsha is-sharalar júrgizýde. Atalǵan sáıkes kelmeıtin qaýipti ónim jóninde «Atameken» Ulttyq kásipkerler palatasyna habarlandy, óndirýshilerge qaýipti ónimdi ótkizýge jol bermeý jáne buzýshylyqtardy joıý týraly habarlama berildi», - dep jazylǵan baspasóz habarlamasynda.
Sondaı-aq Máskeý oblysynyń «Erman» JShS óndirgen tańqýraı jáne shokolad qosylǵan maıly «Ermıgýrt» ıogýrtynyń jáne Aqmola oblysynyń Esil Sary maı kombınatynyń «Snejok» qyshqyl sút óniminiń zeń juqtyrǵany anyqtaldy.