Birqatar shet memleket Qazaqstanǵa kómek beredi - SІM
«SІM óziniń sheteldik mekemeleri arqyly Qazaqstanǵa gýmanıtarlyq kómek tartý boıynsha belsendi jumys júrgizýde. Búginde Koreıa Respýblıkasynan, Qytaıdan, Japonııadan jáne Shveıtsarııadan tıisti kómek alý týraly kelisimge qol jetkizildi», - dedi ol.
Resmı ókildiń aıtýynsha, atalǵan elder medıtsınalyq maskalar, vırýstyq testiler, qorǵanys kıimi, arnaıy jabdyqtar, sondaı-aq qazaqstandyq medıkterge konsýltatsııalyq qoldaý kórsetetin bolady. Mysaly, Koreıa men Japonııanyń epıdemıologtary 23-24 naýryz kúnderi bizdiń densaýlyq saqtaý mınıstrligi úshin arnaıy beıne-keńester ótkizýdi josparlap otyr. Birqatar eldermen, mysaly Izraılmen epıdemıologııalyq keńes berý boıynsha aldyn ala ýaǵdalastyq bar», - dedi Aıbek Smadııarov.
Sonymen qatar ol elimizdiń Syrtqy ister mınıstrligi úsh aýsymmen jumys istep jatqanyn aıtty.
«Basshylyq quramynda turaqty top jumys isteıdi. Qalǵan qyzmetkerler birneshe topqa bólinip, kestege sáıkes kezek-kezek qashyqtyqta jumys isteýde»,- dedi resmı ókil.
