Birqatar saıtqa jasalǵan DDOS shabýyldan keıin tehnıkalyq jumystar júrip jatyr - «Qazaqtelekom»

ASTANA. QazAqparat – Birqatar otandyq saıtqa shetelden jasalǵan jappaı DDOS shabýyl tirkeldi. Bul týraly QazAqparat «Qazaqtelekomǵa» silteme jasap habarlaıdy.

«Qazaqtelekom» 2022 jyldyń 24 qyrkúıeginde birqatar qazaqstandyq aqparattyq resýrsqa shetelden jappaı DDOS shabýyl tirkelgeni týraly habarlaıdy. Qazirgi ýaqytta biz marshrýttardy qalpyna keltirý jáne ońtaılandyrý boıynsha tehnıkalyq jumystardy júrgizip jatyrmyz, bul keıbir syrtqy ınternet resýrstarǵa qol jetkizý jyldamdyǵynyń ishinara tómendeýine ákelýi múmkin. Jumysty jaqyn arada aıaqtaý josparlanyp otyr. Kompanııa ýaqytsha qolaısyzdyqtar úshin óz abonentterinen keshirim suraıdy», - delingen «Qazaqtelekom» AQ Kommýnıkatsııalar departamenti taratqan málimdemede.