Birqatar salalarda eń tómengi áleýmettik standarttar qoldanylatyn bolady - Májilis
ASTANA. QazAqparat - Búgin Parlament Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine eń tómengi áleýmettik standarttar máseleleri boıynsha ózgerister men tolyqtyrýlar engizý týraly» zań jobasy ekinshi oqylymda maquldandy.
Qujatqa bir top depýtattar bastamashylyq jasaǵan bolatyn.Zań jobasy áleýmettik salada normatıvtik qadamdardy damytý úshin quqyqtyq negiz qalyptastyrady. Osy baǵyttaǵy qoldanystaǵy normalar men normatıvterdi eldegi áleýmettik-ekonomıkalyq ahýaldyń ózgeristerine sáıkestendirý kózdeledi, elimizdiń ár óńirlerine biryńǵaı áleýmettik saıasat engizýge jaǵdaı jasaıdy, áleýmettik salany memlekettik retteýdegi basty quraly retindegi áleýmettik standarttardy aıqyndalady.
Túıindeı aıtsaq, zań jobasy qabyldansa, eń tómengi áleýmettik standarttar birqatar salalarda qoldanylatyn bolady. Bulardyń qatarynda bilim berý, densaýlyq saqtaý jáne medıtsınalyq kómek, áleýmettik qamsyzdandyrý, turǵyn úı máselesi men baspanaǵa kómek, bilikti zańger kómegi, eńbek jáne jumyspen qamtý, mádenıet jáne sport memlekettik uıymdary qyzmetine qoljetimdilik sekildi salalar bar. ıAǵnı, osy sekildi salalardaǵy qyzmetterge qol jetkizýge quqyqtardy iske asyrýdy qamtamasyz etetin memlekettik eń tómen áleýmettik standarttar men kepildikterdi qoldanýdyń quqyqtyq negizderi aıqyndalady.
Májilis maquldaǵan zań jobasy Senatqa joldanady.
