Birqatar salada statıstıkalyq kemshilikter oryn alýda - S. Áıimbetov
ASTANA. QazAqparat - Birqatar salalarda statıstıkalyq kórsetkishter boıynsha kemshilikter oryn alyp otyr. Búgin Májilistegi Úkimet saǵatynda depýtat Seıitsultan Áıimbetov osylaı málim etti.
Eske sala ketsek, Úkimet saǵatynda QR Statıstıka agenttiginiń byltyrǵy jylǵy jumys qorytyndylary talqylanǵan bolatyn.
«Paıdalanýshylardy anyq jáne ózekti statıstıkalyq kórsetkishtermen qamtamasyz etý máselesi mańyzdy. Statıstıkalyq derektermen jumystyń tıimdiligin artyrý da ózektiligin joıǵan joq. Máselen, shaǵyn jáne orta kásipkerlikti damytý jónindegi kórsetkishterdi jaqsartý kerek. Biz agenttik saıtynan birqatar mańyzdy kórsetkishterdi kórgimiz keledi. Atap aıtqanda, bular: kásipkerlikke senimdilik ındeksi, óndiristik olqylyqtardyń ortasha deńgeıi, básekelestik ortanyń jaı-kúıi. Sonymen qatar, óndiristiń ósýin shekteıtin faktorlar, ıaǵnı kommertsııalyq nesıe paıyzynyń joǵary bolǵany, bilikti jumysshylardyń jetispeıtini, básekelesýshi ımportty qamtý kórsetkishterin qamtý da mańyzdy», dedi S. Áıimbetov.
Budan bólek, depýtattyń paıymynsha, osy kórsetkishterdi paıdalana otyryp, memlekettik organdar men qoǵamdyq birlestikterden qosymsha derekter suratpastan derbes taldaý jasaýǵa bolady.
«Baılanys, kólik, ınnovatsııa boıynsha da kemshilikter oryn alyp keledi», - dedi S. Áıimbetov.
