Birqatar respýblıkalyq joldarda kólik qozǵalysy jandandy - «Qazaqavtojol»
ASTANA. 24 qańtar. QazAqparat - Boranǵa baılanysty jabylǵan birqatar respýblıkalyq joldarda kólik qozǵalysy jandandy. Bul týraly búgin «Qazaqavtojol» RMK-nyń baspasóz qyzmetinen habarlandy.
Aqmola oblysy aýmaǵyndaǵy "Astana-Petropavlovsk" 18-234 shaqyrymynaǵy, "Astana-Ereımentaý-Shiderti" 24-205 shaqyrymyndaǵy, "Ekaterınbýrg-Almaty" 1280-1353 shaqyrymy aralaǵynda,, sondaı-aq "Ekaterınbýrg-Almaty" 963-1184 shaqyrymyndaǵy joldar ashyldy.
Al Qaraǵandy oblysy boıynsha keshe saǵat 10.40 bastap qolaısyz aýa raıyna baılanysty barlyq baǵyttarda avtokólik qozǵalysyna shekteý qoıyldy.
Atalǵan oblys aýmaǵynda búgin saǵat 08.00 bastap "Ekaterınbýrg-Almaty" jolynyń 1369-1425 shaqyrymynda jáne saǵat 09.00 bastap "Qyzylorda-Pavlodar" jolynyń 970-1135 shaqyrymy aralyǵynda kólik qozǵalysy jandandy.
Budan bólek Pavlodar oblysynda da 23 qańtar saǵat 10.30 bastap barlyq baǵyttary boıynsha jol jabylǵan edi.
Búgin saǵat 08.00 bastap "Astana-Ereımentaý-Shiderti" jolynyń 205-259 shaqyrymy men "Qyzylorda-Pavlodar" jolynyń 1135-1383 shaqyrymy aralyǵynda shekteý alyndy.
Shyǵys Qazaqstan oblysy boıynsha avtokóliktiń barlyq túrleri úshin myna joldarda shekteý qoıyldy:
22 qańtar saǵat 22.30 bastap "Óskemen-Shemonaıha-RF shekara" 54-123 shaq. "Pervomaıka-RF shekara" aralyǵynda;
23 qańtar saǵat 10.15 bastap "Óskemen-Semeı" 48-154 shaq. "Tavrııa-Bulaq";
23 qańtar saǵat 11.00 bastap "Omby-Maıqapshaǵaı" a/j 587-733 shaq. "Pavlodar obl.shekara-Semeı q."
23 qańtar saǵat 11.20 bastap "Almaty-Óskemen" a/j 977-1075 shaq. "Qalbataý-Óskemen";
23 qańtar saǵat 15.00 bastap "Semeı-Qaınar" a/j 8-284 shaq;
23 qańtar saǵat 16.45 bastap "Óskemen-Zyrıan-Rahman qaınary" 6-164 shaq. "Stepnoe-Zyrıan";
23 qańtar saǵat 16.45 bastap "Qaraǵandy-Aıagóz-Buǵaz" 320-900 shaq. "Qaraǵandy obl.shekara-Aqsýat";
23 qańtar saǵat 18.00 bastap "Omby-Maıqapshaǵaı" 756-906 shaq. "Semeı-Qalbataý";
23 qańtar saǵat 19.00 bastap "Óskemen-Rıdder" 15-105 shaq "Beloýsovka-Rıdder" aralyqtarynda.
Bul oblys aýmaǵyndaǵy "Semeı-RF.shekarasy" jolynyń 2-113 shaqyrymy aralyǵy búgin saǵat 08.30 bastap ashyldy.
Atalǵan joldarda avtokólikterdiń úzdiksiz jol qozǵalysyn qamtamasyz etý maqsatynda «Qazaqavtojol» RMK-nyń JPB (Jol paıdalaný bólimshesi) arnaıy qar tazalaý tehnıkalary kezekshilikke shyqty.
«Qazaqavtojol» RMK-da avtomobıl joldarynyń jabylǵan ýchaskeleri jóninde halyqty habardar etý úshin táýlik boıy dıspetcherlik qyzmet jumys isteıdi: Astana qalasynda 8 (7172) 444-777 telefony arqyly málimet alýǵa bolady.
