Birqatar respýblıkalyq joldarda dızel otynymen júretin avtokólikter úshin jol jabyldy
ASTANA. 20 jeltoqsan. QazAqparat - Elimizdiń úsh oblysynyń aýmaǵyndaǵy respýblıkalyq joldarda kólik qozǵalysyna shekteý engizildi. Bul týraly búgin «Qazaqavtojol» RMK-nyń baspasóz qyzmeti habarlaıdy.
Atap aıtqanda, saǵat 17.00-den bastap Almaty oblysy aýmaǵynda aýa temperatýrasynyń kúrt tómendeýine baılanysty "Almaty-Óskemen" jolynyń 558-615 shaqyrymyndaǵy "Rýbej beketi- Shyǵys Qazaqstan oblysy shekarasy " aralyǵynda qoǵamdyq jáne dızel otynymen júretin avtokólikter úshin jol jabyldy.
Al Pavlodar oblysy boıynsha saǵat 17.00-den beri "Omby-Maıkapshaǵaı" jolynyń 419-587 shaqyrymyndaǵy "Pavlodar q- Shyǵys Qazaqstan oblysy shekarasy" aralyǵynda da qoǵamdyq jáne dızel otynymen júretin avtokólikterdiń jolǵa shyǵýyna tyıym salyndy.
Budan bólek, Shyǵys Qazaqstan oblysy boıynsha barlyq baǵyttarda qoǵamdyq jáne dızel otynymen júretin avtokólikterdiń qozǵalysyna shekteý qoıyldy.
