Birqatar respýblıkalyq joldar jabyldy
ASTANA. 17 qańtar. QazAqparat - Búgin keshqurym boranǵa baılanysty birqatar respýblıkalyq joldarda kólik qozǵalysyna shekteý qoıyldy. Bul týraly búgin «Qazaqavtojol» RMK-nyń baspasóz qyzmeti habarlaıdy.
Almaty oblysy boıynsha 12 qańtardan beri "Úsharal-Dostyq" jolynyń 0-184 shaqyrymy aralyǵynda avtokóliktiń barlyq túrleri úshin jol qozǵalysyna shekteý qoıyldy. Búgin saǵat 17.00 bastap bul jolda kólik qozǵalysy jandandy.
Budan bólek, 17 qańtarda saǵat 15.00 bastap "Almaty-Óskemen" jolynyń 558-615 shaqyrymyndaǵy "Úsharal-Shyǵys Qazaqstan oblysy" aralyǵynda jol jabyldy.
Shyǵys Qazaqstan oblysynda búgin saǵat 15.00 bastap "Almaty-Óskemen" jolynyń 615-775 shaqyrymyndaǵy "Almaty obl - Aıagóz" aralyǵynda avtokólikterdiń qozǵalysyna shekteý engizildi.
Sonymen qatar 17 qańtarda saǵat 15.00 beri "Qaraǵandy-Aıagóz-Buǵaz" jolynyń 320-900 shaqyrymyndaǵy "Qaraǵandy obl-Aqsýat" aralyǵynda avtokólik barlyq túrleri úshin jolǵa shyǵýǵa tyıym salyndy.
Qaraǵandy oblysynda búgin saǵat 17.00 bastap qolaısyz aýa raıyna baılanysty "Qaraǵandy-Aıagóz-Buǵaz" jolynyń 217-320 shaqyrymyndaǵy "Qarqaraly-Shyǵys Qazaqstan oblysy" aralyǵynda avtokólik barlyq túrleri úshin jol qozǵalysyna shekteý qoıyldy.
Pavlodar oblysy boıynsha keshe saǵat 18.30 beri "Ýlıanovskıı-Kerneı-Baıanaýyl-Maıqaıyń-Qalqaman" jolynyń 93-324 shaqyrymyndaǵy "Qalqaman-Qaraǵandy obl." aralyǵynda avtokóliktiń barlyq túrleri úshin jol jabyldy.
Buǵan qosa búgin saǵat 17.00 bastap "Astana-Ereımentaý-Shiderti" jolynyń 205-259 shaqyrymyndaǵy "Shiderti-Aqmola obl" aralyǵynda avtokóliktiń barlyq túrleri úshin jol qozǵalysyna shekteý qoıyldy.
Aqmola oblysy boıynsha 16 qańtardan beri "Astana-Ereımentaý-Shiderti" jolynyń 16-205 shaqyrymyndaǵy "Astana q.-Pavlodar obl" aralyǵynda avtokóliktiń barlyq túrleri úshin jolǵa shyǵýǵa tyıym salyndy.
