Birqatar respýblıkalyq jolda kólik qozǵalysy ashyldy
NUR-SULTAN. QazAqparat – Elimizde aýa raıynyń jaqsarýyna baılanysty 7 baǵyttaǵy jolda kólik qozǵalysy ashyldy, dep habarlaıdy QazAqparat «QazAvtoJol» kompanııasynyń baspasóz qyzmetine silteme jasap.
Baspasóz qyzmetiniń máismetinshe, aýa raıynyń jaqsarýyna baılanysty kelesi avtojoldarda kólik qozǵalysy ashylǵan.
1. «Óskemen-Rıdder-Reseı Federatsııasynyń shekarasy» 15-105 shaqyrym. Beloýsovka-Rıdder qalasynyń arasy.
2. «Óskemen-Shemonaıha-Reseı Federatsııasynyń shekarasy» 105-123 shaqyrym. Shemonaıha-Reseı Federatsııasynyń shekarasy.
3. «Şýchınsk-Zerendi» 0-80 shaqyrym. Şýchınsk- Zerendi aralyǵy.
4. «Ekaterınbýrg-Almaty» 1291-1353 shaqyrym., Nur-Sultan-Qaraǵandy oblysynyń shekarasy aralyǵy.
5.«Ekaterınbýrg-Almaty» 1006-1247 shaqyrym. Atbasar-Nur-Sultan.
6. «Astana-Qabanbaı batyr-Kıevka-Temirtaý» 42-51 shaqyrym. Nura-Qaraǵandy oblysynyń shekarasy. 51-102 shaqyrym. Aqmola oblysynyń shekarasy-Temirtaý qalasy aralyǵy.
7. Pavlodar-Ekibastuz qalasy aralyǵy.
Sonymen qatar, Nur-Sultan-Şýchınsk, Nur-Sultan-Temirtaý aqyly ýchaskeleri boıynsha da jol qozǵalysy ashyq. Aqyly ýchaskelerde avtokólikterdiń qozǵalysy patrýl qyzmetiniń kómegimen júzege asyrylýda. Qazirgi sátte Nur-Sultan-Şýchınsk tasjoly boıynsha 400-ge jýyq kólik, Aqkól-Nur-Sultan ýchaskesi boıynsha 70 kólik al Nur-Sultan-Temirtaý tasjoly boıynsha 360 kólik jol-patrýldik qyzmetiniń kómegimen kele jatyr.
Sonymen qatar jol qozǵalysy ýaqytsha shektelgen «Nur-Sultan-Pavlodar» avtojolynda elorda baǵytynda 33 kólikti arnaıy qyzmet kólikteri ertip keledi.
