Birqatar ózenderde qar kólemi normadan joǵary tur - Qanat Bozymbaev
ASTANA. QazAqparat - Qostanaı, Qaraǵandy, Aqmola, Batys Qazaqstan oblystarynyń ózenderi basseınderinde qar kólemi 10-nan 110 paıyzǵa deıin normadan joǵary bolyp otyr. Bul týraly búgin Úkimet otyrysynda QR Energetıka mınıstri Qanat Bozymbaev aıtty, dep habarlaıdy QazAqparat tilshisi.
«Bıylǵy jyldyń aqpan aıyndaǵy málimet boıynsha, sý tasqyny kezeńine daıyndyq jumystary konsýltatıvtik gıdrologııalyq boljam negizinde júrgiziledi. «Qazgıdromet» 2019 jylǵy 3 aqpanda gıdrologııalyq boljam derekterin barlyq memlekettik organdar men ákimdikterge jiberdi. 2019 jylǵy 1 aqpandaǵy jaǵdaı boıynsha qar kóleminiń mólsheri týraly aqparat usynamyn. Bul aqparat gıdrometeorologııalyq baqylaý derekteri, Jerdi qashyqtyqtan zondtaý sýretteri jáne Qazgıdromet fılıaldary men oblystyq tótenshe jaǵdaılar departamentteriniń birlesip qaraýy negizinde jasalǵan», - dedi ol.
Mınıstrdiń dereginshe, Qostanaı, Qaraǵandy, Aqmola, Batys Qazaqstan oblystarynyń ózenderi basseınderi boıynsha qar kólemi 10-nan 110 paıyzǵa deıin normadan joǵary bolyp otyr. Qaraǵandy oblysy Sherýbaınura ózeniniń basseıninde, Aqmola oblysy Shaǵalaly jáne Sileti ózenderiniń basseınderinde, Aqtóbe oblysy Elek ózeniniń basseıninde, Soltústik Qazaqstan oblysy ózenderiniń basseınderinde qar kólemi norma sheginde.
«Qar qory Keńgir, Toqyraý, Sarysý) ózenderi basseınderinde normadan 10-20 paıyzǵa, Jabaı jáne Qalqutan ózenderinde 35 paıyzǵa, Torǵaı ózeninde normadan 30 paıyzǵa tómen. Sondaı-aq Aqtóbe oblysynyń Qarǵaly, Qosistek, Or, Temir, Oıyl, Yrǵyz ózenderiniń basseınderinde 30-60 paıyzǵa, Atyraý oblysy Saǵyz jáne Embi ózenderiniń basseınderinde 35-40 paıyzǵa normadan az», - dedi mınıstr.
Q.Bozymbaevtyń aıtýynsha, jazyq ózenderde topyraqtyń kúzde ylǵaldanýy sý kóleminiń artýyna sebep bolady. Bul Qaraǵandy oblysyndaǵy Nura jáne Sherýbaınura ózenderiniń basseınderinde normadan 100 paıyzǵa joǵary, Aqmola oblysynyń Esil, Sileti, Shaǵalaly, Jabaı jáne Qalqutan ózenderiniń basseınderinde 68 paıyzǵa joǵary.
«Al Qostanaı, Aqtóbe, Atyraý jáne Batys Qazaqstan oblystary ózenderiniń basseınderinde normadan 40-50 paıyzǵa tómen», - dedi ol.
