Birqatar óńirde ekinshi aýysymdaǵy sabaqtar toqtatyldy
NUR-SULTAN. QazAqparat – Aýa raıynyń buzylýyna baılanysty birqatar óńirde ekinshi aýysymdaǵy sabaqtar toqtatyldy, dep habarlaıdy QazAqparat.
Aqmola oblystyq Bilim basqarmasynyń málimetinshe, qatty burqasynnyń bolýyna baılanysty Stepnogorsk qalasynda jáne Býrabaı, Sandyqtaý, Ereımentaý, Astrahan, Arshaly, Tselınograd, Korǵaljyn, Aqkól, Shortandy, Birjan sal, Egindikól aýdandarynda 0-11 synyptarda sabaq bolmaıdy.
Sondaı-aq Shyǵys Qazaqstan oblysynyń Ulan aýdany, Qanaıka aýylynda, Borodýlıha aýdanynyń Borodýlıha aýylynda ekpindi jel men boran saldarynan 1-11 synyp aralyǵynda oqý protsesi toqtatyldy. Al Semeı qalasynda kúshti jel turýyna baılanysty 1-9 synyp oqýshylary mektepke barmaıdy.
Qaraǵandy oblysynyń Temirtaý, Qaraǵandy qalalary men Abaı, Buqar jyraý, Nura, Osakarov, Ulytaý aýdandarynda – 0-11 synyptar, Saran, Sátbaev, Shahtınsk qalalarynda jáne Jańaarqa, Shet aýdandarynda – 0-9 synyptar, Qarajal qalasynda 0-6 synyptar oqymaıdy.
Al Pavlodar oblystyq Bilim basqarmasynyń málimetinshe, Pavlodar men Aqsý qalalarynda, Aqqýly, Maı, Ýspenka, Şerbaqty aýdandarynda 0-4 synyp, Tereńkól, Baıanaýyl, Pavlodar aýdandarynda 0-9 synyptardaǵy oqýshylar úılerinde qalady.
Aıta keteıik, aýa raıynyń buzylýyna baılanysty Nur-Sultan qalasynda birinshi jáne ekinshi aýysymdar úshin sabaqtar toqtatyldy.
