Birqatar óńirde aýa raıyna qatysty eskertý jarııalandy
NUR-SULTAN. QazAqparat – Elimizdiń birqatar óńirinde aýa raıynyń qolaısyzdyǵyna baılanysty eskertý jarııalandy, dep habarlaıdy QazAqparat Qazgıdrometke silteme jasap.
28 tamyzda tańerteń jáne kúndiz Qyzylorda oblysynda soltústik-shyǵystan jel soǵady, kúshi keı jerlerde 15-20 m/s jetedi. Kúndiz tótenshe órt qaýpi saqtalady.
28 tamyzda Shyǵys Qazaqstan oblysynyń keı jerlerinde naızaǵaı oınap, daýyl soǵady, kúndiz burshaq jaýýy múmkin. Ońtústik-shyǵystan soqqan jel soltústik-batysqa aýysyp, keı jerlerde 15-20, kúndiz ekpini 23 m/s jetedi.
Erteń kúndiz Óskemende kún kúrkirep, naızaǵaı jarqyldaıdy. Ońtústik-shyǵystan soǵatyn jel soltústik-batysqa aýysyp, kúndiz ekpini 15 m/s jetýi múmkin.
Erteń kúndiz Semeıde kún kúrkirep, naızaǵaı jarqyldaıdy. Ońtústik-shyǵystan soǵatyn jel soltústik-batysqa aýysyp, kúndiz ekpini 15-18 m/s jetedi.
28 tamyzda kúndiz Batys Qazaqstan oblysynyń batysynda naızaǵaı jarqyldaıdy. Kúndiz jel ońtústikten soǵady keı jerlerde jyldamdyǵy 15-20 m/s jetedi.
Erteń kúndiz Oralda jel ońtústikten soǵady, ekpini 18 m/s jetedi.
28 tamyzda kúnde, 30 tamyzda kúndiz, sondaı-aq 31 tamyzda Jambyl oblysynda keı jerlerde naızaǵaı oınap, daýyl soǵady, tuman túsedi. 28-31 tamyzda óńirde soltústik-shyǵystan jel soǵady, kúshi 15-20 m/s bolady.
31 tamyzda kúndiz Tarazda keı kezderi kún kúrkirep, naızaǵaı jarqyldaıdy. daýyl soǵady. 28 tamyzda kúndiz, 29 tamyzda kúni boıy soltústik-shyǵystan jel soǵady, ekpini 15-20 m/s kútiledi.
28 tamyzda kúndiz Mańǵystaý oblysynyń keı jerlerinde shańdy daýyl soǵýy múmkin.
28 tamyzda kúndiz Atyraý oblysynyń keı jerlerinde jel ońtústik, ońtústik-shyǵystan soǵady, kúshi 15-20 m/s jetedi. Kúndiz keı jerlerde tótenshe órt qaýpi saqtalady.
