Birqatar óńirde aýa raıyna baılanysty eskertý jarııalandy
NUR-SULTAN. QazAqparat - Aýa raıynyń buzylýyna baılanysty birqatar óńirde eskertý jarııalandy, dep habarlaıdy QazAqparat «Qazgıdromet» RMK baspasóz qyzmetine silteme jasap.
24 jeltoqsanda Qostanaı oblysynyń keı jerlerinde burqasyn kóterilip, tuman túsedi. Ońtústik-batystan jáne batystan soqqan jeldiń ekpini 15-20 m/s jetedi.
24 jeltoqsanda Aqmola oblysynyń keı jerlerinde boran soǵady. Ońtústik-batys pen batystan jel soǵady. Keı jerlerde jel jyldamdyǵy 15-20 m/s deıin kúsheıedi.
Osy kúni Kókshetaý qalasynda tańerteń jáne kúndiz jaıaý burqasyn kóteriledi. Túnde jáne tańerteń ońtústik-batys pen batystan qarqyny 15-20 m/s bolatyn kúshti jel soǵady.
Erteń Atyraý oblysynda ońtústik-shyǵystan jyldamdyǵy 15-20m/s bolatyn jel soǵady. Al kúndiz soǵatyn jeldiń uıytqýy - 15-18 m/s.
Pavlodar oblysynda 24 jeltoqsanda qar jaýyp, keı jerlerde boran soǵady. Ońtústik-batystan soǵatyn jeldiń jyldamdyǵy - 15-20 m/s.
Soltústik Qazaqstan oblysynda qar jaýady. Keı jerlerde boran soǵyp, tuman túsedi. Batystan, ońtústik-batystan soqqan jeldiń ekpini - 15-20 m/s.
Túrkistan oblysynda tuman túsip, jel soǵady. Jel jyldamdyǵy – 15-20 m/s.
