Birqatar oblystardyń dala órtterin aldyn alýdaǵy sharalary jetkiliksiz - QR AShM
ASTANA. 14 qyrkúıek. QazAqparat - Birqatar oblystardyń dala órtteriniń aldyn alýdaǵy sharalary jetkiliksiz.
Bul týraly búgin QR Aýyl sharashylyǵy mınıstrliginiń alqa májilisinde vedomstvoǵa qarasty Orman jáne ańshylyq sharýashylyǵy komıtetiniń tóraǵasy Erlan Nysanbaev málim etti.
«Dala órtteriniń orman alqaptaryna taralý faktisi Almaty, Aqmola, Atyraý, Shyǵys Qazaqstan, Qostanaı, Soltústik Qazaqstan oblystarynda tirkeldi. Atalǵan oblystardyń aýdan jáne aýyldyq okrýgteri dala órtterin eskertý jáne aldyn alý baǵytynda qabyldaǵan sharalary jetkiliksiz», - dedi ol.
Komıtet tóraǵasynyń atap ótýinshe, ottyń taralýyna jol bermeý úshin arnaıy shepterdiń bolýyna qaramastan dala órtteriniń memlekettik orman qorlarynyń aýmaǵyna keńinen jaıylýy tirkelýde. Al aýyldyq okrýg ákimdikterinde órt sóndirý qural-jabdyqtarynyń bolmaýy dala órtterin der ýaqytynda sóndirýge kedergi keltirýde.
«Osyǵan oraı oblys ákimdikteri aýdandyq jáne aýyldyq okrýg ákimdikteriniń materıaldyq-tehnıkalyq bazasyn kúsheıtý boıynsha sharalar qabyldaýy qajet. Orman qorǵaý mekemeleriniń aýyl sharýashylyǵy qyzmetteri boıynsha jergilikti atqarýshy organdardyń qyzmetterin reıtıngtik baǵalaýdy usynamyz»,- dedi E.Nysanbaev.
