Birqatar oblystardyń aýmaǵyndaǵy keıbir joldarda kólik qozǵalysy shekteldi
ASTANA. 20 qańtar. QazAqparat - Boranǵa baılanysty Qaraǵandy, Aqmola, Qostanaı, Pavlodar, Soltústik Qazaqstan oblystary aýmaǵyndaǵy joldarda kólik qozǵalysy shekteldi.
«Qazaqavtojol» RMK baspasóz qyzmetiniń málimetine qaraǵanda, Qaraǵandy oblysy aýmaǵyndaǵy «Ekaterınbýrg-Almaty» jolynyń 1353-1425 shaqyrymyndaǵy Aqmola oblysy shekarasy men Temirtaý aralyǵy jabyq tur.
Qostanaı oblysy óńirinde «Qarabutaq-Denısovka-Rýdnyı-Qostanaı» jolynyń 509-549 shaqyrymyndaǵy Rýdnyı men Qostanaı aralyǵy, «Ekaterınbýrg - Almaty» jolynyń 374-544 shaqyrymyndaǵy RF shekarasy men Qostanaı aralyǵynda kólik qozǵalysy shekteldi.
Pavlodar oblysynda búgin túste «Astana-Ereımentaý-Shiderti» jolynyń 205-259 shaqyrymyndaǵy Shiderti men Astana aralyǵynda jol jabyq.
SQO aýmaǵynda barlyq avtokólik túrleri úshin «Mamlıýtka-Qostanaı» jolynyń 0-180 shaqyrymy aralyǵynda kólikterdiń jolǵa shyǵýyna tyıym salyndy.
Sonymen qatar Aqmola oblysy aýmaǵynda birqatar joldarda kólik qozǵalysy shekteldi. Qazirgi kezde bul joldarda «Qazaqavtojol» RMK-nyń óńirlik fılıaldarynyń arnaıy tehnıkalary men qyzmetkerleri kezekshilikke shyqty.
