Birqatar oblysta ıgerilmegen jaıylymdar memleketke qaıtarylýda - Prezıdent
«Saıası reformalardyń birinshi toptamasyna kiretin basqa da zań jobalary ázirlenip jatyr. Sondaı-aq saılaý týraly jáne saıası partııalar týraly zańdarǵa ózgerister engizetin qujattarǵa qol qoıdym. Biz Parlamenttik oppozıtsııa ınstýtyn engizdik. Saıası partııalardy tirkeýge qatysty talap jeńildetildi»,- dedi Memleket basshysy.
QR Prezıdenti saılaýǵa túsetin saıası partııalar áıelder men jastar úshin 30 paıyzdyq kvota bóletindigin basa aıtty.
«Jala jabýdy qylmys sanatynan alyp tastaý jáne Qylmystyq kodekstiń 174-babyn izgilendirý jónindegi normalarǵa azamattar barynsha qoldaý bildirdi. Munan bólek, basqa da máseleler boıynsha naqty nátıje bar. Shetelden jumysshylar ákelýge belgilengen kvota 40 paıyzǵa azaıdy», - dedi Qasym-Jomart Toqaev.
Memleket basshysy Esep komıteti memlekettik organdarda júrgizilgen tekseristiń aýdıtorlyq qorytyndylaryn jarııalaı bastaǵanyn aıtty.
«Aqmola, Qostanaı, Shyǵys Qazaqstan jáne Mańǵystaý oblystarynda ıgerilmegen jaıylymdar birtindep memleketke qaıtarylýda. Buǵan ǵaryshtan monıtorıng júrgizý arqyly qol jetkizdik. Munyń bári Ulttyq keńestiń bastamasymen júzege asyrylǵan sharalardyń bir bóligi ǵana. Barshańyzǵa qazirgideı kúrdeli kezeńde ózekti máselerdi talqylaýǵa belsene qatysqandaryńyz úshin alǵys aıtamyn», - dedi QR Prezıdenti.
