Birqatar oblysta aýa raıyna baılanysty eskertý jarııalandy
NUR-SULTAN. QazAqparat – Birqatar oblysta aýa raıynyń qolaısyzdyǵyna baılanysty eskertý jarııalandy, dep habarlaıdy QazAqparat Qazgıdrometke silteme jasap.
27 tamyzda Túrkistan oblysynyń taýly aýdandarynda túnde qatty jańbyr jaýýy múmkin. Keı jerlerde naızaǵaı oınap, daýyl soǵady, burshaq jaýady, soltústik-shyǵystan soqqan jeldiń jyldamdyǵy 15-20 m/s jetedi.
27 tamyzda túnniń birinshi jartysynda Túrkistan qalasynda kún kúrkirep, naızaǵaı jarqyldaıdy.
Erteń túnde jáne tańerteń Shymkentte naızaǵaı oınap, soltústik-shyǵystan soqqan jeldiń ekpini 15-20 m/s jetedi.
27-28 tamyzda Qaraǵandy oblysynyń keı jerlerinde naızaǵaı oınap, burshaq jaýady. Jel soltústik-batystan soltústik-shyǵysqa aýysady, 27 tamyzda kúndiz, 28 tamyzda keı jerlerde kúshi 15-20 m/s jetedi. Oblystyń ońtústik-batysynda tótenshe órt qaýpi saqtalady.
Sol kúni Qaraǵandy qalasynda kún kúrkirep, naızaǵaı jrqyldaıdy.
27 tamyzda túnde Qyzylorda oblysynyń keı jerlerinde kún kúrkirep, naızaǵaı jarqyldaıdy. Kúndiz tótenshe órt qaýpi saqtalady.
Túnde jáne tańerteń Qostanaı oblysynyń keı jerlerinde tuman túsedi.
27 tamyzda Almaty oblysynda taýly aımaqtarda qatty jańbyr jaýady. Keı jerlerde naızaǵaı oınap, burshaq túsedi. Jel baǵyty soltústik-batystan soltústik-shyǵysqa aýysady. Jel qarqyny naızaǵaı kezinde 15-20, 25 m/s jetedi.
