Birqatar mınıstrliktiń ókilettikterinde ózgerister oryn aldy
ASTANA. QazAqparat - Búgin Aqordada ótken Úkimettiń keńeıtilgen otyrysynda Elbasy Nursultan Nazarbaev birqatar mınıstrliktiń ókilettikterinde ózgerister oryn alǵanyn jarııa etti.
«Qalǵan mınıstrlikter ókilettikterindegi birqatar ózgeristermen saqtalady. Atap aıtqanda, Ekonomıka jáne bıýdjettik josparlaý mınıstrliginiń bıýdjettik josparlaý salasyndaǵy qyzmeti Qarjy mınıstrligine beriledi. Qorshaǵan orta jáne sý resýrstary mınıstrliginiń balyq sharýashylyǵy, sý resýrstaryn basqarý, orman jáne sý qyzmetteri aýyl sharýashylyǵy mınıstrligine beriletin bolady»,- dedi N.Nazarbaev.
Sondaı-aq Elbasy QR Premer-Mınıstriniń eki orynbasary qalatyndyǵyn atap ótti.
«Birinshi orynbasar bolyp Baqytjan Saǵyntaev qala beredi. Al adamı damý máseleleri jónindegi orynbasary Gúlshara Ábdiqalyqova bolady», - dedi N.Nazarbaev.
