Birqatar memlekettik qyzmetti alý jeńildetildi
ASTANA. QazAqparat - Bızneske ákimshilik kedergilerdi azaıtý jumysy aıasynda QR IDM Tehnıkalyq retteý jáne metrologııa komıteti memlekettik qyzmettiń standarttaryn qaıta qarap, jańadan bekitti. Bul týraly atalǵan mınıstrliktiń málimetinde habarlandy.
Ólsheý quraldarynyń tıpin bekitý jónindegi sertıfıkat alýǵa qajetti qujattar sany (8-den 3-ke deıin), qyzmet kórsetý merzimi 20 jumys kúninen 15 kúnge deıin, sol sııaqty metrologııalyq attestatsııa týraly sertıfıkatty alýǵa qajetti qujat sany 7-den 2-ge deıin, al qyzmet kórsetý merzimi 20 jumys kúninen 15 kúnge deıin qysqartyldy.
Memleket basqarýyndaǵy, jeke jáne zańdy tulǵalardyń meteorologııalyq qyzmet kórsetýdi atqarý jónindegi normatıvtik qujattardy kelisýde memlekettik qyzmetin kórsetý merzimi 20 jumys kúninen 5 kúnge deıin qysqartyldy.
«Túzetýler 2015 jylǵy 5 qazannan bastap kúshine engizildi. Munyń syrtynda 2016 jyldan bastap úsh memlekettik qyzmet HQKO arqyly kórsetiletin bolady. Atap aıtqanda, ólsheý quraldarynyń tıpi bekitý týraly sertıfıkat, attestattaý jáne sarapshy-aýdıtordy attestattaý týraly sertıfıkattar osy HQKO arqyly beriledi», - delingen vedomstvo málimetinde.
Búgingi kúnge 2 memlekettik qyzmet, atap aıtqanda sarapshy-aýdıtordyń attestatyn jáne memlekettik rámizderdi ázirlep shyǵarýǵa lıtsenzııa berý elektrondy portal arqyly atqarylady.
Memlekettik qyzmetti tutynýshyǵa qolaıly bolý úshin www.memst.kz saıtynda kórsetiletin memlekettik qyzmetterdiń, ruqsat berýshi qujattar pasportynyń tizbesi ornalastyrylǵan.
