Birqatar memlekettik qyzmetterdi kórsetý merzimi qysqardy

NUR-SULTAN. QazAqparat – Memlekettik kirister organdary kórsetetin qyzmetterdiń merzimi ońtaılandyryldy, dep habarlaıdy QazAqparat Kirister komıtetine silteme jasap.

Kórsetiletin memlekettik qyzmetterge qanaǵattaný deńgeıin arttyrý maqsatynda salyq jáne keden zańnamasyna ózgerister engizilgen.

Osy ózgeristerge sáıkes 2021 jylǵy 1 qańtardan bastap kelesi memlekettik qyzmetter túrlerin kórsetý merzimderi qysqardy:

˗ salyqtyq ótinish boıynsha salyq deklaratsııasyn keri qaıtarý - salyqtyq ótinish berilgen kúnnen bastap 1 jumys kúnine deıin (budan buryn 5 jumys kúni);

˗ salyq eseptiligin usynýdy toqtata turý - bir jumys kúnine deıin (budan buryn 3 jumys kúni);

- ádilet organdarynyń talaby boıynsha qaryzdyń bolmaýy (bolýy) týraly aqparat - úsh jumys kúnine deıin (budan buryn 5 jumys kúni);

- salyqtardy, bıýdjetke tólemderdi, ósimpuldar men aıyppuldardy, kedendik bajdardy, kedendik alymdardy, paıyzdardy esepke alý/qaıtarýdy júzege asyrý - 5 jumys kúnine deıin (budan buryn 10 jumys kúni).