Birqatar memleket basshylary Qazaqstan Prezıdentin Ramazan aıynyń bastalýymen quttyqtady
Prezıdent Qasym-Jomart Toqaevtyń atyna qasıetti Ramazan aıynyń bastalýyna oraı shet memleketterdiń basshylarynan quttyqtaý jedelhattary kelip túsip jatyr.
Ózbekstan Prezıdenti Shavkat Mırzıeev óz quttyqtaýynda ulttyq dástúrleri men ádet-ǵuryptary ortaq qazaq jáne ózbek halyqtary Ramazan aıyn beıbitshilik pen tynyshtyqta, ózara qurmet pen birlik rýhynda qarsy alyp jatqanyn jazdy.
– Sońǵy jyldary bizdiń ózara kúsh-jigerimiz ben jaqyn dostyq baılanystarymyz baýyrlas halyqtar arasyndaǵy strategııalyq seriktestik pen odaqtastyq qatynasty jańa deńgeıge kóterdi. Bul ortaq nátıje bizdiń óńirdiń órkendeýine úles qosyp keledi. Osynaý qasıetti kúnderi men Jaratýshydan Sizge zor densaýlyq, uzaq ǵumyr, elińizdi damytyp, kórkeıtý jolyndaǵy qyzmetińizge tabys, sondaı-aq baýyrlas Qazaqstan halqyna beıbitshilik pen baq-bereke tileımin, – dep jazylǵan Ózbekstan Prezıdentiniń jedelhatynda.
Saýd Arabııasynyń Koroli – Qos kıeniń saqshysy Salman ben Ábdelazız Ál Saýd jáne Saýd Arabııasy Koroliniń Taq murageri Muhammed ben Salman ben Ábdelazız Ál Saýd Qasym-Jomart Toqaevty qasıetti Ramazan aıymen quttyqtaı otyryp, oǵan zor densaýlyq, baqyt tiledi.
Sondaı-aq baýyrlas Qazaqstan halqynyń odan ári damyp, gúldene berýine tilektestik bildirgen.
BAÁ Prezıdenti Muhammed ben Zaıd Ál Nahaıan Qasym-Jomart Toqaevqa densaýlyq, baqyt, al qazaqstandyqtarǵa – baq-bereke tilep, jyly lebizin joldaǵan.
Qatar Ámiri Támım ben Hamad Ál Tánı Memleket basshysyna densaýlyq pen ıgilik, al Qazaqstan halqynyń ósip-órkendeı berýin tilegen jáne elderimiz arasyndaǵy ekijaqty yntymaqtastyqty odan ári nyǵaıtýǵa múddeli ekenin jetkizgen.
Sonymen qatar Memleket basshysyn Iran Prezıdenti Ibrahım Raısı, BAÁ Vıtse-Prezıdenti, Premer-mınıstri, Dýbaı ámirliginiń bıleýshisi Muhammed ben Rashıd Ál Maktým, Qatar Memleketi Ámiriniń orynbasary Abdalla ben Hamad Ál Tanı, Marokko Koroli VI Muhammed, Kýveıttiń Taq murageri Meshal ál-Ahmed ál-Djaber as-Sabah, Lıvııa Prezıdenttik keńesiniń tóraǵasy Muhammed ıÝnıs Ál Manfı, Palestına Memleketiniń Prezıdenti Mahmýd Abbas quttyqtady.
