Birqatar qazaqstandyq JOO kolledjderge aınaldyrylady - M.Sarybekov
ASTANA. 23 tamyz. QazAqparat - Qazaqstanda joǵary oqý oryndaryn ońtaılandyrý aıasynda keıbir ýnıversıtetter kolledjderge aınaldyrylady, dep habarlady QR Bilim jáne ǵylym vıtse-mınıstri Mahmetqalı Sarybekov Pm.kz saıtyna bergen suhbatynda.
«Ońtaılandyrý barysynda birqatar JOO kolledjderge aınaldyrylady, al birazy jabylady. Mınıstrlik joǵary bilikti mamandardy daıarlaý maqsatynda ońtaılandyrýdyń 5 jylǵa arnalǵan osyndaı algorıtmin daıyndady», - dedi vıtse-mınıstr.
M.Sarybekovtyń aıtýynsha, ońtaılandyrýdyń maqsaty qýaty az JOO-lardy biriktirip, qajetti oqý-zerthanalyq, materıaldyq-tehnıkalyq bazasy bar jáne biliktilik talaptaryna saı kadrlyq áleýeti joǵary bir oqý ornyn qurý.
QR BǴM málimetterine qaraǵanda, qazirgi kezde buryn jumys istep turǵan 146 JOO-nyń ornyna 143 JOO bilim berý jumysyn júrgizetin bolady.
Esterińizge sala keteıik, QR Prezıdenti óziniń «Qazaqstandy áleýmettik jańǵyrtý: Jalpyǵa Ortaq Eńbek Qoǵamyna qaraı jıyrma qadam» atty baǵdarlamalyq maqalasynda bilim berý mekemelerin ońtaılandyrý týraly tapsyrma bergen bolatyn.
