Birqatar kásiporyndardyń tozýy normatıvtik merzimnen asyp otyr

Bul týraly búgin BNews.kz ınternet portalynda ótken onlaın-suhbat barysynda Indýstrııa jáne jańa tehnologııalar ınstıtýty janyndaǵy «Qazaqstandyq ındýstrııa damytý ınstıtýty» AQ prezıdenti Meıram Qajyken málim etti. Esterińizge sala keteıik, atalǵan ınstıtýt «Ónimdilik - 2020» baǵdarlamasynyń operatory bolyp bekitilgen bolatyn.

«Elimizdiń kóptegen kompanııalary ózderiniń tehnologııalyq jaǵdaıy, óndirisiniń tozýy, basqarý menedjmentiniń jańǵyrtylýy sekildi kóptegen kórsetkishter boıynsha artta qalyp kele jatqandyǵy belgili. Sonymen qatar, bizdiń ınstıtýttyń zertteýleri kásiporyndardyń tozýy boıynsha resmı statıstıkaǵa qaraǵanda aıtarlyqtaı alańdaıtyn deńgeıde ekendigin kórsetti. Birqatar kásiporyndarda tozý normatıvtik merzimnen asyp ketken. Bul negizinen jeńil ónerkásip salasyndaǵy kásiporyndar bolyp otyr», - dedi M. Qajyken.

Kompanııa basshysynyń aıtýynsha, iri kásiporyndardyń negizgi qorlarynyń tozýy shekti belgilerden aıtarlyqtaı asyp ketpegenimen, olardyń qýattyq júktemeleri básekelestik normalarynan birshama artta qalǵan.