Birqatar halyqaralyq uıym Qazaqstanda ótetin saılaýǵa qatysatyndyǵyn qýattady - QR OSK
«Shet memleketterdiń jáne halyqaralyq uıymdardyń baıqaýshylary Syrtqy ister mınıstrliginiń usynysymen ǵana akkredıtteledi. Degenmen, qazirdiń ózinde birqatar halyqaralyq uıym elimizdiń Syrtqy ister mınıstrligine saılaýǵa qatysatyndyqtaryn aýyzsha qýattady. Olardyń qatarynda Shanhaı yntymaqtastyq uıymy, Eýropa keńesiniń parlamenttik assambleıasy, sondaı-aq Túrki tildes memleketter yntymaqtastyǵy keńesi bar. Bul uıymdar bizdiń saılaýǵa baıqaý júrgizýge nıetti ekendigin bildirip, qazirgi ýaqytta kandıdattaryn irikteýde», - dedi ol.
T.Ohlopkovanyń atap ótýinshe, QR Ortalyq saılaý komıssııasynyń tóraǵasy 18 memlekettiń saılaý komısııalarynyń 1-shi basshylaryna shaqyrý jibergen. Al elimizdiń Syrtqy ister mınıstri 18 halyqaralyq uıymǵa, sonymen qatar osy uıymdardyń aıasynda 112 memleketke shaqyrý jóneltken.
«QR Syrtqy ister mınıstrligi bizge 98 memlekettiń akkredıttelgen buqaralyq aqparat quraldary ókilderiniń tizimin berdi. Turaqty, ýaqytsha akkredıttelgendigi týraly kýáligi bar olar qazirden bastap saılaýǵa baıqaý júrgizýge kirise alady», - dedi OSK múshesi.
