Birqatar eldiń eks-prezıdentteri Astanada bas qosady
ASTANA. QazAqparat - Túrkııa, Chehııa jáne Slovenııa elderiniń burynǵy Prezıdentteri «Úlken Eýrazııa - 2027: konfrontatsııa jáne seriktestik» taqyrybyndaǵy Astana klýbynyń úshinshi otyrysyna qatysady, dep habarlaıdy QazAqparat.
«Aǵymdaǵy jyldyń ereksheligi, biz bul alańǵa tek sarapshylyq qoǵamdastyqty ǵana emes, sonymen birge saıasattanýshylardy, burynǵy Memleket basshylary men Syrtqy ister mınıstrlerin jınap otyrmyz. Osyndaı joǵary quramnyń arqasynda shara jańa sapalyq deńgeıge kóteriledi. Óıtkeni, saıasattaǵy ózekti taqyryptar talqyǵa túsedi. Talqylanatyn máseleler Eýrazııalyq keńistiktiń damýymen, Batys pen Reseıdiń arasyndaǵy teke-tirespen baılanysty. Atalǵan máselelerdiń búkil qurlyqtyń, Ortalyq Azııa óńiriniń, onyń ishinde Qazaqstannyń damýymen baılanysy bar jaıttar», - dedi Álemdik ekonomıka jáne saıasat ınstıtýty ishki saıası jáne áleýmettik zertteýler baǵdarlamasynyń jetekshisi Serik Beısembaev.
Halyqaralyq deńgeıdegi sharaǵa álemniń 28 elinen 60-tan astam sarapshy qatysady. Olardyń qatarynda Túrkııanyń burynǵy Prezıdenti Abdolla Gúl, Chehııanyń burynǵy Prezıdenti Vatslav Klaýs, Slovenııanyń burynǵy Prezıdenti Danılo Tıýrkpen qatar joǵary laýazymdy saıasatkerler, dıplomattar men aldyńǵy qatarly sarapshylar bar.
