Birqatar elderdiń ekologııa mınıstrleri Astanadaǵy «Ekologtar alleıasyna» aǵash otyrǵyzdy

«Búgin elordadaǵy «Ekologtar alleıasyna» remı túrde dástúrli aǵash otyrǵyzý sharasyn ótkizip jatyrmyz. Bıyl «Eýropa úshin qorshaǵan orta» mınıstrler konferentsııasyna kelgen delegatsııalardyń basshylary qatysýda. Bizben birge Polshanyń, Qyrǵyzstannyń, Vengrııanyń ekologııa mınıstrleri jáne basqa da elderdiń birqatar ekologııa vedomstvolarynyń basshylary osy aktsııaǵa qatysyp otyr»,-dedi QR Qorshaǵan ortany qorǵaý vıtse-mınıstri Rýslan Bótirikov.

Onyń sózine qaraǵanda, búgin elordada «Eýropa úshin qorshaǵan orta» atty mınıstrlerdiń jetinshi konferentsııasy bastalady. «Bul konferentsııaǵa birqatar memleketterden 1 myń 300-ge jýyq ókil qatysýǵa nıet bildirdi. Negizinen onda Eýropa elderiniń mamandary bolady»,-dedi R. Bóltirikov. Vıtse-mınıstrdiń aıtýynsha, jıynda talqylanatyn negizgi taqyryptardyń biri - sý resýrstaryn baqarý, sondaı-aq ekonomıkany jasyldandyrý máselelerine arnalmaq.