Birqatar elderde WhatsApp mescendjeri isten shyqty
ASTANA. QazAqparat - WhatsApp mescendjeriniń jumysy tehnıkalyq aqaý oryn alǵannan keıin qalpyna keltirildi. The Verge amerıkalyq jeli resýrsynyń baǵalaýynsha, tehnıkalyq aqaý shamamen eki saǵatqa jalǵasqan, dep habarlaıdy TASS.
Tanymal ınternet-resýrstardy baqylap otyratyn downdetector jelilik servısi jarııalaǵan aqparatqa sáıkes, WhatsApp mescendjeriniń jumysy isten shyqqan. Aıta ketetin bolsaq, messendjer Reseıde, EO elderinde, AQSh-ta, Meksıkada, Brazılııada, Úndistanda, OAR-da toqtap qalǵan.
WhatsApp bolǵan aqaýdyń sebebin ázirge túsindirgen joq.
WhatsApp - mátindik habarlamalar almasýǵa jáne dybystyq baılanys jasaýǵa múmkindik beretin tegin servıs bolyp tabylady. WhatsApp-tyń óz baǵalaýy boıynsha, servıstiń aı saıynǵy aýdıtorııasy 1 mlrd adamnan asady. 2014 jyldyń aqpan aıynda WhatsApp-ty Facebook amerıkalyq kompanııasy shamamen 20 mlrd dollarǵa satyp alǵan bolatyn.
