Birqatar el Sýdannan azamattaryn evakýatsııalaýdy jalǵastyryp jatyr
YSTAMBUL. ANADOLY-QazAqparat – Kóptegen el Sýdandaǵy dıplomatııalyq mıssııalary men azamattaryn evakýatsııalap jatyr, dep habarlaıdy QazAqparat Anadoly agenttigine silteme jasap.
Búginge deıin 50-den astam el, onyń ishinde Túrkııa, AQSh, Qytaı, Reseı, Ulybrıtanııa, Frantsııa, Saýd Arabııasy, Efıopııa men Egıpet azamattaryn teńiz, áýe jáne avtojoldar arqyly evakýatsııalaýdy uıymdastyrdy.
Túrkııa SІM Mevlıýt Chavýshoglý Ankara Sýdannan 2 061 adamdy evakýatsııalaǵanyn aıtty, onyń 1763-i túrik azamaty bolsa, 298-i – 22 eldiń azamaty. Dıplomatııalyq vedomstvo basshysy Sýdan bıligi Túrkııa elshiligin ýaqytsha Hartýmnan Port-Sýdanǵa aýystyrýdy usynyp, jańa ǵımarat beremiz dep ýáde bergenin aıtty.
«Shyndyǵyna kelgende, biz sheshim qabyldap qoıdyq, táýekel ete almaımyz. Eger jaǵdaı ýshyǵyp ketse, astanadan shyǵý qıyn bolady. Elshilikti ýaqytsha Port-Sýdanǵa aýystyrý múmkindigin qarastyryp jatyrmyz», - deıdi dıplomat.
Ázerbaıjan SІM Túrkııanyń kómegimen Sýdannan 26 azamaty evakýatsııalanǵanyn habarlady.
AQSh Memlekettik departamenti baspasóz hatshysynyń kómekshisi Vedant Patel Port-Sýdanǵa 29 sáýirde úsh avtotizbek barǵanyn, AQSh úkimeti 700-den astam amerıkalyqqa kómek kórsetkenin málimdedi. Patel AQSh bıligi azamattaryn tez arada evakýatsııalaý úshin tynbaı jumys istep jatqanyn atap ótti.
Reseı úshinshi apta qaqtyǵys bolyp jatqan Sýdannan 200-den astam reseılik dıplomat pen qatardaǵy azamatty evakýatsııalaǵanyn habarlady.
Frantsııanyń Syrtqy ister mınıstrligi 27 sáýirde Sýdannan 936 adam evakýatsııalanǵanyn habarlady. Mekeme evakýatsııalanǵandardyń ishinde Frantsııa azamattarymen qatar, brıtanııalyq, amerıkalyq, kanadalyq, efıopııalyq, gollandııalyq, ıtalııalyq jáne shved azamattary bar ekenin habarlady.
Iran SІM resmı ókili Naser Kananı Sýdandaǵy qaqtyǵys bastalǵaly 65 ırandyqtyń evakýtsııalanǵanyn habarlady.
Egıpet SІM málimdemesi boıynsha, qarýly qaqtyǵys bastalǵaly Sýdannan 5 300-den astam azamat evakýatsııalanǵan. 28 sáýirde taǵy 2 648 Egıpet azamaty, onyń 1 365-i qurlyq arqyly, 1 283-i áýe arqyly jetkizildi. Vedomstvo málimeti boıynsha, Sýdanda 10 myńnan astam egıpettik turady.
Eske salsaq, Sýdanda 15 sáýirden bastap ásker men jedel áreket etý kúshteri arasyndaǵy qarýly qaqtyǵys bastalǵan bolatyn.
QR Syrty ister mınıstrligi Sýdandaǵy Qazaqstan azamattary qaýipsiz jerge shyǵarylǵanyn, sondaı-aq, Efıopııa men Saýd Arabııasy Koroldiginiń aýmaǵy arqyly evakýatsııalaý jumystary jalǵasyp jatqanyn málimdedi. 2 mamyrdaǵy sońǵy resmı habarlama boıynsha, Qazaqstannyń alty azamaty jaqyn mańdaǵy elder arqyly evakýatsııalanǵan. BUU júıesindegi ıÝNISEF-te qyzmet etetin Qazaqstannyń bir azamaty Iordanııadaǵy ıÝNISEF kampýsyna ornalasty. Al bir otandasymyz óz qalaýy boıynsha Birikken Arab Ámirlikterinde qaldy. Qalǵan tórt Qazaqstan azamaty elimizge keldi. Taǵy 11 azamat ózderiniń qalaýymen Sýdanda qalatynyn aıtqan, 10-y taý-ken kompanııasynda jumys istep jatyr.
