Birqatar BAQ pen bankterge kıbershabýyl jasaldy

ASTANA. QazAqparat - Seısenbi kúni reseılik BAQ-tarǵa kıbershabýyl jasaǵan shıfr tanýshy BadRabbit vırýsy TOP-20-ǵa kiretin reseılik bankterge de shabýyldamaq boldy. Bul týraly TASS agenttigine kıberqylmystardy tekserýmen jáne aldyn alýmen aınalysatyn Group-IB kompanııasynyń bas dırektory Ilıa Sachkov málim etti, dep habarlaıdy QazAqparat.

Onyń aıtýynsha, shabýyldaýdy anyqtaıtyn júıesi bar reseılik birqatar banktiń ınfraqurylymyna vırýs taratý áreketi tirkeldi.  «Ol faıldar seısenbi kúni máskeý ýaqytymen saǵat 13.00 men 15.00 aralyǵynda tirkeldi. ıAǵnı bul vırýs bankterge de taratylmaq boldy», - dedi ol. Sachkov ol bankterdiń arasynda TOP-20-ǵa kiretin qarjy ınstıtýttary baryn atap ótti, biraq ataýlaryn naqtylamady.

Group-IB basshysynyń aıtýynsha, bul jaǵdaı bankterdiń banktik emes sektordaǵy kompanııalarǵa qaraǵanda kıbershabýyldarǵa qarsy qorǵanysy anaǵurlym kúshti ekenin kórsetti.

Eske salsaq, seısenbi kúni jańa vırýs reseılik birqatar BAQ-qa shabýyldaǵan bolatyn. Al tús aýa kıbershabýyl Ýkraınada bastaldy - vırýs Kıev metropolıteniniń kompıýterlik jelilerin zaqymdady.