Birqatar BAQ habarlaǵan túrmedegilerdiń óz-ózderine qol jumsaýy týraly faktiler rastalǵan joq - Qylmystyq-atqarý júıesi komıteti
ASTANA. Aqpannyń 4-i. QazAqparat - Birqatar buqaralyq aqparat quraldary habarlaǵan túrmedegilerdiń óz-ózderine qol jumsaýy týraly faktiler rastalǵan joq,
dep habarlaıdy Ádilet mınıstrligi Qylmystyq-atqarý júıesi komıtetiniń baspasóz qyzmetinen.
Buǵan deıin birqatar aqparat quraldary Shyǵys Qazaqstandaǵy OV-156/17 kolonııada basqa zonaǵa aýystyrýǵa narazylyq bildirgen toǵyz sottalýshynyń óz qaryndaryn jarǵany týraly aqparat jarııalaǵan bolatyn. Osynaý oqıǵanyń mán-jaıyn tekserý úshin Shyǵys Qazaqstan oblysy prokýratýrasy men Ádilet mınıstrligi Qylmystyq-atqarý júıesi komıtetiniń ókilderinen arnaıy komıssııa quryldy. Tekserý júrgizip qaıtqan atalmysh komıssııanyń túıindemesi boıynsha, Shyǵys Qazaqstannyń túzetý mekemelerindegi operatıvtik jaǵdaı baqylaýda jáne ornyqty, quqyqtaryna qol buzylyp jatqandyǵy týraly sottalýshylar tarapynan eshqandaı shaǵym-aryz túspegen.
«Tájirıbe kórsetip otyrǵandaı, krımınalıtet mundaı ádisterdi, BAQ-ty paıdalana otyryp, mekeme ákimshiligine qysym kórsetý jáne túzetý mekemeleriniń jumys ornyqtylyǵyn buzý úshin jasaıdy. Mundaı áreketter sottalýshylar úshin zańnamamen belgilengen rejimdi bosańsytýǵa jáne óz «qylmystyq tártipterin» engizýge baǵyttalady», delingen komıtettiń baspasóz qyzmeti taratqan habarlamada.
