Birqatar áýe kompanııalary Venesýelaǵa bılet satýdy toqtatty
ASTANA. 26 qańtar. QazAqparat - Birqatar halyqaralyq áýe kompanııalary Venesýela baǵytyna bılet satýdy toqtatty, dep habarlaıdy utro.ru.
Bul qadamǵa American Airlines jáne United Airlines (AQSh), Copa Airlines (Panama), Air Canada, TAP (Portýgalııa), Tame (Ekvador) jáne Air Europa (Ispanııa) kompanııalary venesýelalyq taraptyń qaryzyn tólemeı otyrǵan jáne sol eldegi dollar kýrsyn anyqtaý saıasatyna ózgeris engizgen soń barǵan.
Budan bólek, Kolýmbııanyń Air France, Aerolineas Argentinas jáne Avianca áýe kompanııalary Venesýela baǵytyna satylatyn bıletti azaıtqan. Beıresmı derekterge súıensek, venesýelalyq taraptyń áýe kompanııalarynyń aldyndaǵy qaryzy 3 mlrd. dollarǵa jetken.
