Birqatar áýe kompanııalary Sınaı túbeginiń ústinen ushaqtaryn ushyrýdan bas tartty
ASTANA. QazAqparat - Mysyrda reseılik ushaq apatqa ushyraǵannan keıin Emirates áýe tasymaldaýshysy jeksenbi kúni Sınaı túbegi aýmaǵynyń ústinen ushaqtaryn ushyrýdy toqtatty, dep habarlaıdy RIA Novostı.
Buǵan deıin eýropalyq iri Lufthansa jáne Air France áýe kompanııalary, sonymen qatar reseılik Aeroflot kompanııasy da Sınaı túbeginiń ústinen ushýdan bas tartqan bolatyn.
Eske salaıyq, 31 qazanda reseılik «Kogalymavıa» áýe kompanııasynyń «Sharm-esh-Sheıh - Sankt-Peterbor» 9268 baǵytyndaǵy Airbus-321 áýe laıneri Mysyrdan jergilikti ýaqyt boıynsha saǵat 6:21-de ushyp shyǵyp, 23 mınýttan keıin radar ekrandarynan joǵalyp ketken. Áýe kemesiniń bortynda 217 jolaýshy men 7 ekıpaj múshesi bolǵan. Mysyrdyń Sınaı túbeginiń ortalyǵynda apatqa ushyraǵan reseılik azamattyq ushaǵynyń synyqtary tabyldy. Ushaqtaǵy barlyq jolaýshylar men ekıpaj músheleri Reseı azamattary bolyp shyqty. Ushaq bortynda 63 er adam, 138 áıel men 2-17 jas aralyǵyndaǵy 17 bala bolǵan
