Birinshi jartyjyldyqta zııatkerlik menshik obektilerin paıdalanatyn sýbektilerge 534 tekserý ótkizildi
ASTANA. 23 tamyz. QazAqparat - Bıylǵy birinshi jartyjyldyqta ádilet organdary zııatkerlik menshik obektilerin paıdalanatyn sýbektilerge 534 tekserý ótkizdi. Bul jaıynda QR Ádilet mınıstrliginiń saıtyndaǵy málimetterde aıtylǵan.
«Zııatkerlik menshik quqyǵy komıteti zııatkerlik menshik salasyndaǵy memlekettik saıasatty iske asyrý maqsatynda zańnamany jetildirý, zııatkerlik menshik quqyǵyn qorǵaý jáne quqyqtyq túsindirý jumystaryn júrgizý jóninde is-sharalardy qabyldaıdy. Zııatkerlik menshik quqyǵyn qamtamasyz etý jónindegi is-sharalardyń aıasynda 2012 jylǵy birinshi jartyjyldyqta ádilet organdary zııatkerlik menshik obektilerin paıdalanatyn sýbektilerge 534 tekserý ótkizdi», - delingen bul málimetterde.
Ótken jylmen salystyrǵanda bıylǵy jyly tekserýlerdiń 1 paıyzǵa (2012 j.- 534, 2011 j.- 539) azaıýyna qaramastan, anyqtalǵan quqyq buzýshylyqtardyń sany 34 paıyzǵa kóbeıdi jáne qozǵalǵan isterdiń sany 304-ke teń boldy (2011 j.- 226). 258 tulǵa ákimshilik jaýapkershilikke tartyldy, al ótken jyly bul kórsetkish 184 bolatyn.
Kontrafaktilik ónimderdi taratýdyń aldyn alý maqsatynda ádilet organdary birlesken buıryqtyń sheńberinde quqyq qorǵaý organdarymen birlesip tekserýler júrgizedi. Astana qalasy Ádilet departamenti 11, 16-17 tamyzda elordalyq ІІD-men birlesken is-sharalardy ótkizdi. Kontrafaktilik ónimder satatyn 23 oryn anyqtaldy, kontrafaktilik ónimdi taratatyn 22 adam ustaldy, 5,5 myńǵa jýyq kontrafaktilik dıskiler tárkilendi.
